Pazungdaung Myo Ne Ah Mask Lo In Leng A Chuah Mi Hna Cu Phaisa 5000 An Liam Ter Hna

Yangon myo chung a pakhatnak bik ah mask lo in leng a chuah mi tlei in dan a tat hmasa bik mi hna cu Pazungdaung myo ne an si tiah thei asi. Pazungdaung myo ne nih mask lo in leng a chuah mi hna poh cu phaisa 5000 cio liam ter ding in tu nii 13 nii in a hram an thawk cang tiah thei asi. Mask lo in leng chuah mi pa 12 le nu pakhat an dih lak in minung 13 cu an tlei hna Pazungdaung bia chiah zung ah covid-19 zawtnak lei in tuan vo ngei tu hna nih taza an cuai hna tiah thei asi.

Covid-19 Control Committee le Sipin hna kom in Mask lo in leng a chuah mi hna pa 12 le nu pakhat an dih lak in minung 13 hna cu phaisa 5000 cio liam ter an si tiah sipin committee president U Myint Myat nih Duwun media hna sinah a chim. Tu nii may 13 zing lei sang ah khan yangon myo ah a um mi myo ne cheukhat hna cu cozah hruai nak in leng chuah tik ah mask nan hman hrimhrim lai tiah thei ternak an tuah hna.

Yangon myo cu myanmar ram ah Covid-19 zawtnak a ngei mi an tam bik khua asi. Tu hi covid-19 zawtnak a ngei mi hna hi minung 146 an si cang. Covid-19 Control Committee lei nih thawng an thanhnak ningah cun tu nii may 13 nii thawk in nan inn i a leng nan chuah tik ah mask nan hman hrimhrim lai mask lo in leng nan chuah asi ah cun phaisa 5000 liam nan si lai tiah thawngthanhnak an tuah tiah thei asi laknak Cele yawkawt.