Phyu Phyu Kyaw Thein Le Kyaw Htet Aung MV A Chuak Cang (+Video)

“Ka thin hung cu kan duh caah a si” timi hla cu Cobra nih a phanmi hla a si i The Ugly Band nih an tum piakmi hla a si. “An dawtu tampi lakah kan dawt khun caah a chuakmi buainak, ka thin a hung cu kan daw tuk ruangah, theih thiamnak a ngei lomi dawtu tiah ka kal tak hlah, ka kal tak hlah” timi an hlabia ah aa tel.

Kum 39 a si cangmi Phyu Phyu Kyaw Thein cu siibawi pakhat zong a si i 2003 kum ah a chuakmi “Zeihmanh kan pehtlaih ti lo” timi album in a lar mi hmasami hlasakthiam a si.

Cu hnu in music video ah lemcang a tuan ning hna ruangah mipi nih an hung theih chin i  a hung lar pinah hlawhtlinnak a hmuh chin. Phyu Phyu Kyaw Thein nih a sakmi “Lankhuai, Cherry lam, Asung-htet-po-thaw, Hleh-saa-laih” ti bantuk hla in a lar chinchin i a dang hlasakthiam hna he zong an i tuai i hlawhtlinnak a hmu chinchin.

Cu hnu ah anuh-pinnyia rian ah pehzulh inn aa pek i hlasak zuamnak Myanmar Idol tiangah Judge sinak in aa tel kho ve. “Sway-myay-a-they” timi hla in a larmi Cobra cu hlaphuah thiam pakhat sinak zong in mipi nih an theihmi a si nain a hnu ahcun hla zong chuak tuk ti loin Anuh-pinnyia he aa hlat than.

Nain tutan cu “Ka thin hung cu kan duh caah a si (Tha-wun-to-tar-ayan-chit-loh)” timi hla cu Phyu Phyu he an hung i tuai than i mipi thinlung an hung lak than hi a si.

A that le that lo cu Hi Ka Video Link ahhin zoh khawh a si.

Ref: DVB; Video: Phyu Phyu Kyaw Thein

Leave a Comment

Leave a Reply

Your email address will not be published. Required fields are marked *