Poi Ko: Tuzan Thantlang Inn Kangh Zat Langter Asi

Ralhraang nih Thantlang ah Biakinn tel in inn 19 an khangh than, Nihin, December 4, Chun hnu sml 12:30 tluk in Thantlang ah UPC Biakinn tel in inn 19 ralhraang nih an khanghchap tiah TPAC cazin thanh mi in kan theih. A kaang mi inn lak ah hin United Pentecostal Church (UPC) Biakinn le quater zong ai tel chih. Biakinn sang ah inn hnih a kaang i Market sang ah UPC Biakinn le quarter tel in inn 17 a kaang tiah an langhter.

Thantlang khua cu raal hraang nih atu tan he cun voi 10 an duah cang i biakinn panga tel in inn 500 deng a ciam cang. A tang lei cazin hi Thantlang Placement Affairs Committee -IDPs help nih nihin kanghuhnak a tongmi hna cazin a langhter mi a si .crd-the hakha post.

Ca dang relchap; Atu lio i kan ton cuahmah mi ramkhel buainak hi caanṭha ah lak riangmang in Chinram chuahtak dingin ramthum ah zaam, i dor (Refugee Status) le ramthumnak ah ramkhel dornak tuah dingin Chin mipi hna sinah lemsoinak, forhnak le thapeknak tuah lo dingin Dec 4, 2021 ah CNF nih cathanh an chuah.

An cathanh ah cun “CNF cu ralhrang bu uknak kha hrawh in Federal ramkomh ser dingah NUG, tualchung runvennak ralkap le tlangcung hriamtlai bu hna he i bawm in nunnak thap in mipi caah dohthlennak kan tuah cuahmah. Rambuai ruangah Chin miphun zatuak 20% hna cu ralzam dirhmun an phan. Atu hi Chin miphun dihlak kan lung aa rual bik lio caan a si.

Cucaah Chinram cu zapei kauh hmanh kaltak loin Chin miphun hna himnak, Chinram runvennak le hmailei kan miphun caah tiin ralhrang bu doh in ramkhel buainak nganpi (National Emergency) kan ton lio a si” tiah an ṭial. Hi ramkhel buainak hi caanṭha ah i lak in a Chin mipi hna kha Chinram chuahtak i ramthumnak ah kal dingin sawmnak, forhnak le thapeknak tuah hrimhrim lo dingin CNF nih cun theihternak cathanh an chuah hi a si. crd-the chin post.

Thawng dang rel chap; Kayah(Kareni) ramkulh chungah mipi hna nih ram ngeimi vanlawng icit in khualtlawng tuah loding in, KNDF nih nihin December 3 ah cathanh a chuah. Atulio i vanlawng a kalmi acheu khat cu ralhrang hna i chawlehthalnak caah asi lawng siloin Kareni ramkulh chung ralhrang nih ralkap thazaang le ralhriam le riahcaw hna.

Khualtlawng vanlawng in an kuat hna a si tiah KNDF nih an cathanh ah an langhter.Atu bantuk in ral i tuk nak kong he an hmanmi asi caah mipi hna nih vanlawng Kareni ramkulh chung mipi humhimnak caah theih in i cit loding in cathanh kan chuahnak a si tiah mipi ralkap pakhat nih achim. Cu lawng hmanh si rih loh

A tu lio ah accaang cuahmah mi Kayah ramkulh chung Demoso,Bawlahkhe le Phasawng peng ah ralhrang lei nih an hmanmi Loikaw-Demoso-Detamagyi-Bawlahkhe lam hna cu December 3 in caan rikhiah umlo in kan phihkhar asi lai caah mipi hna nih hman rih lo ding in KNDF nih cathanh a chuah.crd-TCN

Leave a Reply

Your email address will not be published. Required fields are marked *