Poi Tak Si,,, Ralkap Thilthuam I Hruk Loin, Mindat Lei Ah An Kal

Ralkap thilthuam i hruk loin sei ngan pipi he Mindat lei ah a kalmi SAC ralhrang pawl nihin ah hitihin hmuh an si. Crd-The Chin Journal

Thawngpang dang rel chap: Nizaan Bomb Puah hnu Tlaihmi Nu 27 an Luat, June 5 zaanlei Hakha Khuathar bomb a puah hnu ah an tlaihmi hna chung in nu 27 cu tu zaan sml. 10:30 hrawng ah an thlah hna, tiah thawng kan theih.

Nu 27 an thlah hna i a dang nu 7 hi an thlah rih hna lo. Pa vilate cu Rungtlang 266 SAC ralhrang sakhaan ah an kalpi hna. Hakha pastorte nih SAC palik pawl bia an ruah hna hnu ah a cunglei nu 27 hi min an thutter hna i an thlah tthan hna hi a si. Crd-The Chin Journal

Rel rih: Sivai Bomb Ruang ah CDF-Mindat in Mino Pakhat a Nunnak a Liam Than, SAC ralhrang nih Sivai Bomb (Chemical Bomb) in CDF-Mindat an kah hna ruang ah minung 3 cu sivai hliam an keng i cu chung ah cun minung pakhat June 6 ah a nunnak a liam, tiah theih a si.

Mindat peng hmun 2 ah CDF-Mindat le SAC ralhrang karlak ah kahdohnak a fak ngai i SAC ralhrang lei nih ralhriam nganngan an hman pin ah UN nih a khammi Chemical Bomb tiang in an hman hi a si.

Nihin chun ah SAC ralhrang nih vanlawng zong an thlah i Mindat peng chung ah ngiathlainak an tuah cuahmah. SAC ralhrang pawl bu 2 ah an i tthen i ralzaam pawl umnak hmunhma lei ah an rak naih,” tiah Mindat mipi uknak lei bu nih thawngpang an chuah. Crd-The Chin Journal