Poi Tuk Ee Hakha Ah Mifir Nih An Luhhnawh Hna

Hakha, Keitheibo Sang Inn Pakhat Cu Mifir Nih An Luhhnawh! Chin ramkulh, Hakha khuapi, Keitheibo sang inn pakhat cu mifir nih an luhhnawh, tiah theih a si. May 20 zan ah Keitheibo sang inn pakhat cu aho si ti hngalh lomi pahnih nih an luhhnawh i inn ngeitu hna phone an chuh hna pinah pa pakhat cu namte in a or an hmuahnak ah hliamhma a pu, tiah tualchung mi pakhat nih The Chin Post ah a chim.

Minung pahnih cu zanṭim ah Keitheibo sang inn pakhat ah kal in, “Kan rawl a ṭam tuk, zaangfahnak tein tlun inn kan onh u,” tiin an nawl hna nain inn ngeitu nih an duh lo. Voi tam tuk an auhnawh hna hnu ah innka cu an onh hna i atu bantukin thil a can hi a si, tiah tualchung mi pakhat nih a chim. Mifir hna hi ahodah an si ti cu hngalh an si lo nain kawl holh in an holh, tiah cu thil a cangmi kong ah thil hngaltu pakhat nih a chim.

Hakha, Keitheibo sang ah hi bantuk in thil a can ruangah Hakha um Khrihfabu cheukhat ah cun zapi i ralrin cio dingin Biakinn ah thawng an thanh, tiah theih a si! Crd- The Chin Post. Thawng dang rel chap-Mocha Thlichia Totho Ruang Ah A Thimi An Karh Chin, Mocha thlichia totho ruang ah Khawlram ah a nunnak a liammi an karh chin. May 17 tiang ah Mocha thlichia totho ruang ah a nunnak a liammi minung 48 an si cang, tiah SAC ralhrang nih thawng a zamh.

Rohingya pawl an i dornak ah minung pazeizat dah an thi cang timi belte an langhter lo. A thimi minung 48 chung ah Irrawaddy ramthen in minung pakhat aa tel, a dang cu Rakhine ramthen in an si hna, tiah SAC ralhrang nih a chim. Sittwe ah Mocha thlichia ruang ah Rohingya pawl an i dornak hmun ah minung 100 reng lo an thi i an tlau tiah mipi sin in theih a si. Cu thihlohnak he pehtlai in SAC ralhrang nih zei thawngpang hmanh a thah lo.

May 18 chuah cozah thawngzamh ca ah SAC vuanci cheukhat cu Rohingya camp ah an phan, tiah a langhter. Mocha thlichia totho ruang ah Kawlram pumpi huap in a rawkmi inn 44,928, phunggyikyaung 435, sianginn 439, siizung 59, airport 2, market 1 le cozah zung 158 an si, tiah SAC ralhrang nih thawng a zamh. A hlankhan in timhtuahnak tha tein kan rak ngei i ralrinnak kan rak pek hna caah atu bantukin kokek thlichia harnak in fak tuk loin kan luat hi a si, tiah Min Aung Hlaing nih a chim.