Poi Tuk ee: Tu Chun Ah Ralhrang Nih Tamu PDF Pawl Jet Fighter In A Kah Than Hna

Tuhi Tamu PDF pawl cu ralhrang jet fighter nih a kah cuahmah lio hoi hna. Nizaan kha PDF-Tamu 4 cu ralkap he jet he nih an kah nain an la kho lo, tuhi a kah cuahmah hoi hna. PDF tete hi bawmchantu ngei thitha lo an si le zaang an fak dom.crd-Chelsea Bawi. Thawng dang: India Congress leader Rahul Gandhi cu thong kum 2 thlak dingin tunai ahkhan BBC nih a tial. Hi bantuk i thong thlak dingin sualphawtnak (convicted) hi tulio India PM Narendra Modi min ningcang loin a hman (thieves) ruangah asi, a ti.

Indian political party ah a upa bikmi Congress Pary leader le MP a si liomi Rahul hi 2019 election lio Karnataka state general election ah ziah thla Modi timi min hi nan state ahhin nan uar tuk hnga? timi bia a chimmi cu ningcang loin tulio India Prime Minister Narendra Modi min ning cang loin na hman, tiin Gujarat state court nih kum 2 thong tla dingin thiam lo a canter.

Voitam ka chim cang khah tulio India PM Modi hi dictatorship hruaitu bak asi ka rak ti lengmang. Amah party zuamcawh kho dingin a hmuh mi paoh cu thil fa tete sualphawtnak in thong ah a khumh thup cang hna tuhi, Russia President Putin he an i dannak a um lo.crd-Chelsea Bawi. Thawng dang: Yangon-Mandalay Lampi Ah Leilawng I Pahnak A Can Caah Minung 2 Nunnak Liam, 16 An I Hliam .

Nihin, March ni 23 zinglei suimilam 6:00AM hrawng ah Yangon-Mandalay lampi mengtung 284/1 le 284/2 kar ah a dirmi thilphur leilawng nganmi pakhat cu Light Truck leilawng nih a pah caah leilawng chung cuangmi 2 an nunnak a liam i minung 16 an i hliam tiah theih a si. Nunnak liammi hi kum 37 le kum 59 tluk a simi pa an si i, hliamhma tuarmi hi nu 12 le pa 4 tiin minung 16 an si.

Leilawng khaltu pa hi a ngut caah an hmai ah a dirmi leilawng cu a pah. Leilawng chung ah cun minung 20 hrawng an cuang i minung 16 nih hliam an tuar i 2 an nunnak a liam. Nunnak liammi le hliamtuarmi hna cu Meiktila siizung ah an kalpi hna” tiah Pyitaya mi bawmchantu phu chungtel pakhat nih a chim. Light Truck leilawng hi Naypyidaw, Moenyo in a chuak i Lashio lei ah kal aa timmi a si tiah theih a si.crd-the chin post.