Afghanistan Ram ah Zarhkhat chung ah minung 25000 renglo American nih an chanh chuah hna, Afghanistan Ram khualipi Kabul ah ah Taliban nih an ram an lak hnu ah an ram mi pi nih Taliban kut tang um cu an duh lo caah Ram kip ah zam an i tim cio, American Cozah nih zarhpi nikhat Suimilam 24 chung ah minung 7400 reng lo an chanh chuah khawh hna, Afghanistan mipi thong tampi nih Kabul Airport ah zam ding in an hngak cio hna.
American Cozah nih chanh chuah ding kong cu a caan si ning in a thleng kho ti ah US President Jeo Biden nih a chim. Afghanistan in US Vanlawng a rak zuang mi poh US ah an rak phan lo, ramdang ah a um mi US Ralkap Sakhan ah an chiah chung hna ti ah President Biden nih a chim.crd-CBN
Thawng pang dang relchap; AIPA Meeting Ah CRPH Kai Ter Ve Dingin DASE Chairman Nih A Nawl, European parliament chairman to ASEAN Mr. Daniel Caspary nih 2020 rampi thimnak ah mipi nih thim mi MP hna fonh mi CRPH cu AIPA meetingah sawm ve dingin a nawl. AIPA meeting hi CRPH nih kai ve dingin min an pek nain AIPA nih ralhrangbu palai cu observer in kai dingin an sawm caah CRPH nih.
AIPA cu democracy phung a buar mi le ralhrangbu a tanpi mi a si tiah an lungtlinlo nak an chim. EU parliament nih ASEAN ram hna he pehtlaihnak (DASE) chairman tuanvo an pek mi Daniel Caspary nih AIPA meetingah CRPH an sawm lo mi cu khuaruah har a si. EU parliament nih ralhrangbu uknak a lak mi cungah zeitik hmanh kan tanpi bal lo.
Kawlram mipi nih democracy an ngah thannak ding le ralhrang cawlcanghnak ngol i, zeihmanh phelhhleinak umlo in tlaihmi hna thlah dingin kan nawl peng rih lai tiah a chim. ASEAN inter-parliament Assembly hi ASEAN ram hna i a sang bik mi parliament meeting pakhat a si. A voi 42 nak AIPA meeting hi rotationg chairman Brunai ram hruainak he August 22 in 25 tiang tuah ding a si lai tiah theih a si.crd-the chin post.
Leave a Reply