President Donald Trump Cu Nobel Peace Prize Pek Ding In A Min Pek A Si Ve Cang

US President Donald Trump nih nihin ah Israel le the United Arab Emirates kar daihnak hnatlaknak a serpi hna. Cu kong he pehtlaih in Norwaytoday media nih President Donald Trump cu Nobel Peace Prize pek ding in an min a pek (nominated) cang tiah tlangtar in a kong an tial ve.

FRP’s Christian Tybring-Gjedde (Progress Party) nih cun President Donald Trump hi Israel le the United Arab  Emirates kar daihnak hnatlaknak a serpimi ruangah Peace Prize pek a phu bak a ti i Nobel Committee ah a min chuak pi tiah Norwaytoday nih a tarlangh.

Kan Laimi chung ramkhellei kong a theih hngalmi hna zong nih President Trump cu Nobel Peace Prize pek phu a si bak tiah an hmuh ning an tial len ve.

Vcu Khenglawt timi fb hmangtu nih cun, “President Trump hi US economics lawng a ṭhatter lo. Middle East hrawng ISIS buainak meici vialte zong a hmih dih. Atu lelek Missile kah in ai hrocer pengmi North Korea leader Kim Jung-un zong daite in a umter. Afghanistan i kum sau tuk buainak a chuahpitu Taliban phu le Afghan cozah zong daihnak (Peace Deal) a tuahter khawh deng fawn hna.”

“Tuchun ah Arab ram chung in UAE le Bahrain nih Israel he pehtlaihnak ṭha (i doh ti lo ding) ngei dingin White house ah minthutnak a ngeihpi hoi hna. Obama le Joe Biden chan ah Israel cu thinphang dirhmun ah an chiah hna. Vanthat ah President Trump nih a van chanh manh hna” tiah daihnak a ser khawh ning le thim a herh rih nak kong a tial.

President Trump hi kum 2020 November thimnak ah tling rih seh law US mipi ca lawng si lo in vawleicung pumpi ca zong ah a tha cem ding cu a si ko. Joe Biden nih US a hruai ding cu thinphang a si. Thaizing a kalnak ding schedule hmanh ai chinchiah kho ti lomi a si. Cucaah President Trump hi vote deuh hrimhrim ding a si.

Kan Laimi chung in ramkhel lei thiamsang Salai Lai Ram Thang zong nih “President Trump nih Israel le United Arab Emirates he daihnak a serpi hna hnu ah Bahrain ram le Israel ram he daihnak a serpi than hna ahcun Noble Peace Prize pek ding ah a phu hrimhrim ko. A pek lo ahcun pumpak in an huat ruangah si lai. Bahrain zong nih Israel he daihnak ser dingah a tlangpi in a lungtling cang” tiah a tial ve.

Leave a Comment

Leave a Reply

Your email address will not be published. Required fields are marked *