Pu Lal Maung Cung: CNLD Upa Pawl Cu Zu An Vun I Zat Ahcun Party Lutlai Si Hi CM Tuan Ah An Rel An Duh Poah In Nawl An Chuah

Nizan August 21 ni ah Pu Lal Maung Cung  nih CNLD party nih an chuakmi minung 10 min list he a facebook ah a tial. Cu ti a tialmi tangah minung tampi comment an tial cio i amah Pu Lal Maung Cung lila zong nih lehnak tete a tial ve.

Cu ti comment a tial thanmi ah CNLD party lutlai pawl cu zu a dinmi deuh an sinak kong le zu rit bu in an duh paoh in nawl an chuahnak kong zong a tialmi hmuh khawh a si.

A tialmi cu, “A herh ahcun tial caan phuan caan a si cang. CNLD hruaitu ah hin zu ding lo cu pahnih thum lawng an si. An sining thei u law aho nih dah mee nan pek hna hnga. Zu an vun i zat ahcun party lutlai si hi CM tuan ah an rel an duh poah in nawl an chuah ko” tiah a tial hi a si.

A tanglei ah comment a tial rihmi cu, “CNLD tanh cu pakpalawng a si ko cang. A rauh hlan ah thawngpang nan theih ko lai. Ti thawl lawng bantuk in media le facebook lawngah an thawng a thang, an chung ah ti a um lo” tiah a tial rih.

Hi comment reply ah mi pakhat nih, “Lal Maung Cung Cinzah, Thil sining mipi nih kan fian khawh nakhnga kan chim thluahmah ko. Zeicahtiah kum 5 ah voikhat lawng ngeihmi mee ningcang yein a kal khawh nakhnga” tiah a leh ve.

Simon Vanro Sungpa nih cun,  “Aho hlei khi a palh le a hman nan um hlei lo kan Lai mifim pawl cu, nan i lo dih, tthutnak tinco khawh lawng nan ruat, nan thinlung Pathian nih an theih hna caah hi bantuk buaibainak nan ton lengmang hi asi, zumh hlei ding nan um lo, CNLD he CND nan i khat” tiah a let ve.

Cun a tang deuh ah Pu Lal Maung Cung nih comment box ah a tial thanmi cu, “Zumhtlak lo hruaitu cu CNLD hruaitu kha an si. Innchungkhar ah zuding pakhat nih zeitluk in dah a kan buai, ram hruai aitim mi party hruaitu pawl zudin bu le zurit buin khua an khan bia an chah ahcun ram a rawk dih. Meeting dih zuu sem lai hi an i ngaih bik mi a si” tiah a tial than hi a si.

A cung hmanthlak hi Pu Lal Maung Cung nih CNLD party nih an chuakmi lutlai minung 10 kong a tialmi cu a si. Zoh chih khawh ding in ka van tarpiak chin hna.

Source: Lal Maung Cung Cinzah

Leave a Comment

Leave a Reply

Your email address will not be published. Required fields are marked *