Van tlamtling hram seh vawlei pi nih zoh cho mi US ram pi ah kum 20 chung ti ralkap a rak ttuan cang mi kan Chin pa Pu Major Darry L P. Lambert nih tulio kan kawlram pi nih a tong cuah mah mi buai nak kongah, US president thar a si mi Biden sin ah ca a kuat. kan Chin pa Pu Major Darry L P. Lambert nih US president thar a si mi Biden sin ah ca a kuat mi cu Chin holh te in a tang lei video a hin ngai khawh a si.
Ca dang: Khuapi deuh paoh ah cun a ni sarihnak tiang pehzul in ralkap duh lo langhternak lam an zawh rih ko tiah leicung media nih an ṭial cio. Ralkap nih cozah rianṭuan cang ding in an nawl cuahmah ko nain CDM cu hmual ngei ngaiin an tuah ti a si. Cachimtu lawng si loin vanlawng le tlanglawng mawngtu tiang, cun palek hmanh CDM ah aa fonhmi an um tiah an ṭial.
UN nih tunai te ah khan Ralkap nih anmah duhlo ruang lam a zawhmi chung le CDM ah mi a hip khodeuh timi 400 hrawng an tlaih cang hna tiah a thanh. A tamdeuh cun Criminel Case in an tlaih hna tiah Reuters nih UN chimmi cu a ṭial. Cu an tlaih tharmi hna khumhnak ding ah thongtlak misual 24000 hrawng an thlah hna.
Facebook nih ralkap ralkap kong aa telmi Posts control kan tuah cang tiah a thanh. A ruang cu Ralkap sin in thawng a dik lomi tamtuk a chuah caah a si, an ti. Facebook nih mah ti a ruah ruang ah ralkap lei in thlahmi ca le thawngpang tlawmdeuh na hmuh cang lai.
Mah cu lio ah Laimi cheukhat MP hlun, political party hruaitu hna nih biatak tein Ralkap thawngthanh an bawmh, an SHARE cuahmahmi hmuh a si. CDM le demonstration i tel lo hmanh ah thapeknak ṭial le tuah lo a si fawn tikah a hmutu mipi mit aa sur ti a si. Crd- Teirial Catialtu.
Leave a Reply