Pu No Than Kap nih, “2021 March 31 ah party in chuahnak ca ka tial cang a ti mi cu 2021 May 21, 9:00 pm hrawng ah facebook messeger in a kan kuat. Cucaah, Central Executive Committee (CEC) laakhruak meeting kan auh lai i party in chuahnak ca a tial mi cu kan ceih lai,” tiah CNLD party nih an thanh.Crd-the hakha times.
Cadang relchap; SAC Ralhrang UEC Tonnak ah Pu No Than Kap amah Nawl in a Kai, Nihin May 21 ah SAC ralhrang sermi thimnak kong tawlreltu UEC tonpumhnak ah CNLD ruahnak petu Pu No Than Kap cu party aiawh si loin amah nawl in a kai, tiah CNLD Chairman Pu David Ngai Sak nih a chim.
Tonnak ah kan kai lai lo tiin ca zong in kan kuat ko hna. Zei ruang ah dah a kai hnga. Kanmah zong nih kan thei lo. Mah kong hi kan hlat lio a si i CNLD nih phungning in cathanh zong kan chuah te lai,” tiah Pu David Ngai Sak nih a chim.
Naite ah CNLD hruaitu lei thlennak an tuah i, Pu David Ngai Sak cu Chairman ah an thim. Cun, General Secretary ah Salai Ceu Bik Thawng an thim. Ahlan i Chairman a rak ttuan ttimi hna Pu No Than Kap le Pu Zo Zam cu ruahnak petu rian an khinh hna.
Ralhrang UEC tonpumhnak ah a kaimi kong he pehtlai in Pu No Than Kap nih, “CNLD in chuahnak ca March 31, 2021 ah ka rak ttial cang nain atulio thil sining ruang ah party kong lenglei ah chuahpi a ttha lo an ti i kan langhter rih lomi a si. Rian dang kong ah Naypyidaw ka phak liote a si caah hawikom pawl damdam vung tlaih pah in UEC ah kan phan. Asinain, CNLD aiawh in ka kalmi a si lo,” tiah fianternak a ttial. Crd- The Chin Journal
Leave a Reply