Pu Nothankap Nih Ralkap Nih Aana An Ting Mi Hi UEC Ruangah A Si A Ti

Ralkap nih aa-naa an ting hi NLD hruaimi election commission(UEC) ruang ah a si, UEC nih ralkap aana ting nak ding caah lam an phah piak hna, a fawinak in cun UEC an palh,” tiah CNLD hruaitu Pu Nothankap nih The Hakha Times ah a chim. Crd- Salai Lung thlitum

Rel chap: Atu kan doh cuahmahmi kan ral tihnung khi NLD le Suu Kyi an ral lawng a si lo, kan dihlak kan ral a si. CNLD le USDP nan ral zong a si. NLD kan si lo caah kan i saing lo ti hram hlah u sih. Party politics kaltak rih u sih, lung i rual a herh bik caan a si. Ralkap uknak thlichia nih cun ahohmanh a kan hrial lai lo, kan dihlak kan tuar te ding a si.

Rel rih Suu Kyi cu a inn ah radio an hmuh caah uknak firtu Min Aung Hlaing phu nih taza an cuai. President Win Myint zong a inn hmai a rami NLD tanpitu pawl a kut a zaoh(wave) hna an ti caah taza an cuai ve. Ralkap uknak cu sehtan pennak bantuk a si caah tlaih an duhmi poah cu a herh lomi aruang an kawl i an tlaih ko hna, an hrem ko hna. Mah hi kanmah cio cung ah a tlung ve te lai. Ralkap uknak a nun thai ko ahcun voih voih sual ruang zong ah thongthlak kan i huah te kho.

Rel rih: US Biden cozah nih Myanmar sipuazi phihnak sanction a tuah than tik ah cun US campany pawl an kir dih than lai, kan ram ah sipuazi tuah a ngah ti lai lo. Ford le Chevrolet motor, Visa card, Western Union, Coca-Cola, KFC le Burger King tbk khi kan ram ah kan hmu ti hna lai lo. An sin riantuantu tampi rian ngei loin an kaltak te hna lai. UN zong nih sipuazi phihnak an rak tuah chap ve ahcun ramdang company tam deuh cu kan ram chung ah hmuh khawh an si ti lai lo, North Korea kan hluan te ko lai.

Sipuazi phihnak hi ramdang cozah le UN nih cun hmual a ngei bikmi ralkap dantatnak tuah ah an ruah, a dik ngai ko. Nain, rampi sipuazi a tla dih lai caah harnak a ing taktak te ding cu rammi kan si lai. Crd- Salai Lung thlitum

Leave a Comment

Leave a Reply

Your email address will not be published. Required fields are marked *