2020, August 28: Pu Reubin kongah CNP partu hruaitu Salai Aye Htun Min nih a facebook ah CNLD party hruaitu upa hna cung i a lung tlinlonak ca a tial. Cu Salai Aye Htun Min tialmi cu Pu Lal Maung Cung zong nih a share chin i comment a tial chihmi hmuh a si.
Salai Aye Htun Min nih a tialmi cu, “CNLD party hruaitu upa hna biatak tein iralring uh ti kan duh hna. CNP party aiawh in Hakha peng Pyine No. 1 mee hmun ah aa cuh ding mi U Reuben cu nanmah party hruaitu hna nih a sualnak a um lomi a sual kawl in nan report caah CNP party aiawh in chuak a si cang.
CNLD party lei in biatak tein dohnak nan tuah cang. A ngaingai ti ahcun hi tluk tiang in nan tuah ding a si lo.
Ramkhel le miphun ah Chin miphun ciocio kan si i hi bantukin hmailei kar kan hlan ahcun zeibantuk result a chuak kho timi hruaitu upa hna nih thukpi in ruat uh ti kan duh hna” tiah Salai Aye Htun Min nih a tial.
Salai Aye Htun Min nih hi ca a tialmi cu Pu Lal Maung Cung nih a facebook in a share chin i tanglei bantuk in comment/caption a tial chihmi hmuh khawh a si.
A tialmi cu, “CNLD nih an report ruangah Pu Reubin cu CNP aiawh si loin Independent in ai cuh lai. Hi kongah ralrin nak pek an tong ve cang. CNLD nan thil tuah mi theipar nan zun ve tikah a hram thok hi nan philh lo a hau ve te lai” tiah a tial hi si.
Salai Aye Htun Min nih CNLD party hruaitu upa hna kong he pehtlaihin tuzan a tial nolh thanmi cu, “CNLD party he ka chan chung zeitik hmanh ah kan ifonh ti lai lo. Kanmah CNP party ning tein kan kal lai. Kan party lamthluan a duhmi nih kan zulh uh law, a duh lomi nih zulh lo khawh a si” tiah a tial nolh than.
Source: Salai Aye Htun Min, Lal Maung Cung Cinzah
Leave a Reply