Pur(June) Thla Chungah Pastor 40 Hrawng An Nunnak A Liam

2021 Pur(June) thlakhat chungah Pathian riantuan tu minung(40) hrawng an nunank a liam. Thlakhat chungah Covid 19 le zawtnak dangdang in Falam ah minung 19 an nunnak a liam.Kalat Khrihfa thlan pathum Varpi thlan.Myohlah thlan,Hmuntha thlan ah minung (270) ruak vui asi. Raldohnak in ram caah pumpe mi hna le hmun dangdang he cun Pur(June) thla chungah Chin mi minung(300) tluk an nunnak a liam.Crd- The Chin Post

Ca dang rel chap: Suh Kyi Bantuk A Si Te Dingmi Ngakchia Nu, June 30, nizan i ralhrang nih an thlahmi hna lakah Mandalay ramthen Mogok khuapi i kum 5 ngakchia nute zong aa tel ve. A min cu Suh Htet Wine a si. A pa hi ralhrang thlahnak dingah biatak tein a cawlcangmi Ko Soe Htay a si. A pa bantukin kum 5 lawng a simi Suh Htet Wine zong lamzawhnak ah aa tel lengmang ve.

Ralhrang nih hin a pa tlaih an duh caah an inn cu an luhhnawh. Ko Soe Htay cu a um lo caah a nupi le a fanu pahnih cu an tlaih hna. June 30 ah Suh Htet Wine cu an thlah than nain a nu le a u tu cu an thlah ve hna lo. Ka fanu nih thong chungah rawl khim in kan ei lo, cun ek-inn hmanmi ti in kan i kholh tiah a chim. Zeidang cu kan hal zongah a chim duh lo. Lungthin zawtnak he nun caan a hmang lan sual lai ti ka phang” tiah a pa nih a chim.

Amah Ko Htay le a fapa pahnih hna tu cu ralhrang tlaih ding tih ruangah an i thup rih. A fanu Suh Htet Wine zong a himnak hmun ah a phan cang tiah a pa nih a chim. Kum 5 lawng a si rihmi ngakchia nute nih ralhrang uknak dohnak ah aa tel ve lengmangmi hi a upat tikah Suh Kyi bantukun ram hruaitu minthang a si te lai ti a langhtertu a si tiah ka ruah. Crd- The Chin Post