R.I.P ,, Bomb Le Meithal Thawng Theih Ruangah A Nunnak A Liam

Kalaymyo ah bomb le meithal thawng theih a si, cu thawng ruangah mi pakhat nunnak liam, Kalaymyo Chokhlei veng i Semiang  zung pawngkam hrawng ah tuzaan suimilan 9:00 in a thok i meithal thawng le Bomb puah thawng pehzulh in theih a si. Meithal thawng hi voikhat lawng si loin Auto meital thawng bantukin pehzulh tein a thang.

Ralhrang mawtaw a hmemi pakhat cu Tawngphila  lei in a ra i Semyang zung lei ah a kal. Cu meithal le bomb thawng a theih ruangah Pu Kim Do Lian cu a thinphan tuknak ah a lungphu aa din i a nunnak a liam tiah theih a si. A unau fapa nih Ka pate hi zeibantuk zawtnak hmanh a ngei lo. Meithal puah thawng ruangah a lungphu aa din i a thimi a si  tiah a FB ah a tial. Edit 9:34 tiang meital thawng thei a si rih.

Relchap- July 3, zaan suimilam 9:00 PM zeimaw ah rallokap nih Kalay khuachung ah meithal le bomb an puah i, Pu Gin Do Lian (Kum 69) cu a lau caah a thintur a dai i a nunnak a liam. July 4 (nihin) ah ruak vui asi lai.

Ca dang rel chap; Australia ah myanmar in sianginn a kaimi hna cu ralhrang cozah nih cdm ah i tel lo dingin a hro hna, Australia ahhin Myanmar in sianginn a kaimi siangngakchia tampi an um i cu chungah cozah riantuan a simi, cozah bawmhnak in a kaimi zong an tampi. Cu cozah bawmhnak in Australia ah sianginn a kaimi hna cu ralhrang cozah nih CDM ah i tel lo dingin hronak ca a kuat hna tiah theih a si.

Cu cakuat cu Australia hrambunh ABC News sinah a phan i cuticun ABC News nih Myanmar siangngakchia pahnih cu biahalnak an tuah hna. Ralhrang cozah cakuat ah cun nawl na ngaih lo i CDM ah nan tel ahcun fak piin dantat nan si lai tiah an tial. Midang zong i tel dingin sawm hlah u, an ti fawn hna. CDM ah kan i tel lai lo timi biakamnak cu a tlai bik July 7 ah kuat ding ti a si.

Biakamnak tuah cu an duh lo tuk, asinain an tuah lo ahcun Myanmar ah a ummi an chungkhar nih an tuar sual lai ti an phang fawn. Cozah bawmhnak in Australia ah sianginn a kaimi hna cu lungrethei le thinphang in an um ko. Australia cozah nih ralhrang cozah cungah a cawlcangh ning a nem tuk, fak piin dantat phihkharnak tuah seh tiah Australia hlutdaw le Myanmar siangngakchia hna nih biatak tein an forh peng.Crd-the chin post.

Leave a Reply

Your email address will not be published.