R. I. P: Ngakchia Pahnih Ti Ah An Pam

Nizan September 7 ni, chun suimilam 12 hrawngah Yangon ramthen, Thonekhua myone, Nankhale khuami ngakchia pahnih ti ah an pam tiah theih a si.

Thil sining cu nizan Sept. 7 chun suimilam 12 hrawngah an khua in nichuak lei Nankhale le Sagaingsu khua kalnak lam pawng tiva ah ngakchia pahnih ti ah an tla i an thi tiah thawngpang theih a si caah Thonekhua myoma palik sakhan in Sakhanhmu Khin Maung San hruaimi hna le a hmutu tehte hna nih an va kal hnawh i an va hlat. A thimi hna cu Nankhale khuami Maung Htet Wai Yan (kum 9), tang 3 kai liomi le Ma Phyoe Thiri Soe (kum 7) hna an si.

A thimi pahnih hna cu an pale U Zaw Win Htuet le U Aung Min Soe, cun an pate U Than Toe Aung hna he zinglei suimilam 11 hrawngah Nankhale le Sagaingsuu khua kar lam pawng tiva ah nga tlaih ding in an kal i, ngakchia pahnih Maung Htet Wai Yan le Ma Phyoe Thiri Soe hna cu lam ah an kal tak hna i an pale upa pathum hna cu tiva chung nga tlaih ding cun an kal ti si.

Cu ti an kal hnu minit 15 (minute) hnuah ngakchia pahnih an kal taknak ah an rak kir than tikah ngakchia pahnih cu an um ti lo. Cu ti cun an kawl i an kal taknak hmun in pe 15 hrawng a hlatnak tiva chung, pe 10 hrawng a thukmi tidil chungah ngakchia pahnih an ruak in an hmuh hi a si.

An ruak an zoh tikah an takpum ah zei hliamhma hmanh a um lo caah ti chung an tla i an thimi a si tiah an chimhnak a si. Cu thihnak kong he pehtlaih in Thonekhua myoma police station nih Crime no 17/2020 ning in case an tuah i kherhhlainak an tuah  tiah theih a si.

Source: Nanyu