R. I. P: Pu Pek Thang Nih Mual A Kan Liam Tak

Thantlang No. 1 in CNLD party candidate Pi Chin Chin Pekthang i hringtu a pa nih ruah lo tuk in mual a kan liam tak.  Cu kong he pehtlaih in amah Chin Chin Pekthang he zuamnak ah a lut vemi Salai Van Bawi Lian nih anmah CNLD chung thawngthanhnak le ngeichiat pinak a tuahmi a si.

Dear CNLD Thantlang Peng Hruaitu le Dawtu vialte hna; Atuzan ruah lo pi in Ngeichiatnak Hrawmpinak le Thawng theihternak kan tuah hna. Sayama @ChinChin PekThang i hringtu a pa nih atu nai 1:30 AM ( 12/09/2020) Falam ah mual a kan liam tak ti thawng kan theih caah kan ngei a chia tuk hringhran ko tiah thawng kan thanh hna.

Atu bak hi Sayama Chin Chin le a nau le cu rak kir ta duak dingin an rak i thawh asi. Pa Pathian tu nih an ngeichiatnak le an tuarnak ah hnem hram hna seh law, atu an lamtluang chung vialte zong damnak, tthawnnak, himnak le tluang tein lam hruai hram ko hna seh.

Ngeichiatnak tuarpi buin Salai Van Bawi Lian le Riantuan tti hawi vialte Hmunhngalh Khua, Thantlang Peng.

Pi Chin Chin Pek Thang i hringtu a pa Pu Pek Thang cu 100 a si cang i tartlung tiang a a fale le a tule a nunpi hna. Pathian riantuantu pakhat zong a si. A tang hi Salai Ram Tinthei nih ngaihchiat hrawmpinak a tialmi a si ve.

Pu Pek Thang (Kum 100) nih mual a kan liamtak ti thawng ka theih, ngeih a chia hringhran. Falam Baptist Church ah Kum 60 leng Church Chairman a rak tuanmi Khrih zultu tha asi. Vawleicung tuanbia ah a um ti lailo dah ka ti. Voikha te a inn ah ka ton ta manh ve.

Mirum asi nain aa toidor i, mi cungah dawtnak a ngei, zumhtlak mifel asi, miphun a dawmi kan pa asi. Kan miphun nih bochanmi fanu fapa thatha tampi a kan ngeihpiak hna. Hi facebook in upatnak ka pek.

A nunchung ah tuanbia dawh a tial, hi vawlei ah sunglawi in kum 100 chung caan a hman hnu ah Bawipa sinah aa din cang. Taantakmi chungkhar Bawipa nih hnemh hram ko hna seh. RIP Pu Pek.

Laknak; cm page, Ram Tinthei

Leave a Reply

Your email address will not be published. Required fields are marked *