Ralhrang An Zung In Phawikhawh Ansilai Nak Ding Ah Ti In

Ralhrang an zung in phawikhawh ansilai nak ding ah ti in, Mipi nih Young Rangers Force(YR) Batalion ah Sui tumbul hlu in an bawmhchanh hna nak le dohthlennak caah felfai te in hman an timh nak nihin september 17 ah YRF nih an thanh. Thawng dang: Bago ramṭhen Nattalin peng SAC tilawng dinhnak gate pakhat cu Nattalin PDF nih an kah hna caah SAC ralkap 7 leng an thi tiah MRF Nattalin sinin theih a si.

Nihin september ni 18 zingah SAC talkap tilawng dinhnak gate pakhat cu hriamngan le hriamhme he kan kah hna caah chikhat te ah SAC ralkap 2 an thi, cu hnu ah minute 15 hrawng kaphnih kar kahdohnak a chuak ṭhan i a dang 5 zong an thi than” tiah Nattalin PDF in ṭuanvongeitu pakhat nih a chim. Cu kahdohnak cu MRF Nattalin phu hna nih tuah mi a si i, khuami pakhat nih lam a hmuhsak hna tiah an chim tiah theih a si.crd-the chin post.

Thawng dang: Atu thil sining cun caan karlak ah thimnak ka tuah kho lai lo tiah a ruah mi cungah caan thawn nak a um lai maw timi Russia thawngzamhnak nih biahalnak an tuah mi ah SAC lutlai Min Aung Hlaing nih thil um ning dirhmun zoh in biachah nak cu ka tuah te lai tiah a luan cia zarh chung Russia i a khual tlawn nak ah a leh hna. Asinain kamkhat ah SAC nih thimnak he pehtlai in thimfung cazin checknak le thimfung thlaknak hmun hna tuaktannak caah,

September 15 ah Nay Pyi Taw um mi thimfung lei tawlrel nak commission zung ah timhtuahnak hna an tuah kong theih a si. Cupinah thimfung thlaknak ahcun rammi, rammi sinak card le inn chungkhar milu cazin pungsan 66/6 a ngei mi lawng nih thimfung an thlak khawh lai tiah a langhter. SAC nih tuah timh mi thimnak ah phung ning tein aiawhnak PR cu thlennawn in ka tuah lai tiah thimnak lei commission zung nih a chim.

SAC nih uknak a lak hnu in ramchung i pengkomh 46 cu a thar a chap nak hi SAC tuah timh mi thimnak ah Phungning tein ai awhnak PR tuah ding in thimfung thlaknak hmunhma hna timhtuahnak caah a bik in aa timh mi a si lai tiah ramkhel lei tuaktan tu hna nih a hlan te khan an rak purh dah. SAC nih tuah ding mi PR ningin tuahmi thimnak cu ramkhel party cheukhat nih an duh lo bangin,

Cheukhat ramkhel party hna nih cun mah thimnak ah cun kan i tel lai lo tiah an al. SAC nih uknak a lak hnu kumkhat le thla 8 renglo tiangah uknak duhlonak kong langhternak, Myopiah Piohcia hna nih SAC uknak lei dohkalhnak le ram pumpi ah kaphnih kahdohnak cu a dai rih lo tiah theih a si.crd- LCBN

Leave a Reply

Your email address will not be published.