Ralhrang Bawi Ne Win Tupa YBS Mawtaw 2 Bomb In An Phomh Piak + Video

Yangon, Ahlone myo ne ah STA phu hna nih ralhrang bawi U Ne Win tupa Aye Ne Win le Kyaw Ne Win hna chungkhar  Omni Focus Company I YBS mawtaw 2 cu bomh in tunii ah an puak hnawh I a pahnih in an hrawh piak tiah thei a si. A tang a link ah m/khitthitnews/videos/ hi video in zoh khawh a si. Zoh a duh mi hna nih mah a link hi hmeh piak law video na zoh khawh lai.

Thawng dang: Ayardaw Ah SAC Ralhrang Cu Bomb An Puah Hnawh Hna Caah Ralhrang (10) Nak Tam An Thih Pinah Tampi Nih Hliam An Tuar. Sagaing ramthen Ayardaw peng in nitlaklei sangum khua chungah kahdohnak a tuahtu SAC ralhrang ralkap hna cu bomb in an puah hnawh hna caah SAC ralhrang ralkap (10) nak tam an thi lai tiah Ayardaw peng chung thawngzamhnak lei nih cathanh an chuah tiah theih a si.

Kum 2022 January 13 zinglei sml 8:30 hrawngah Ayardaw peng chung Kyar Pin Hlah khua pawngah nawlngeihnak latu SAC ralhrang ralkap hna cu ARA nitlaklei sang ummi phu nih bomb in an puah hnawh hna tiah theih a si. January 9 thawk khan Ayardaw peng chungum nitlaklei sang khua chungah SAC ralhrang ralkap (50) tluk nih luhhnawhnak an tuah.

Nihin ah Ngaing San khua leikap ah an rak chuak lai tiah thawngpang kan theih caah a hlan khan tein kan rak kah khawhnak a si tiah ARA phu chungin Bo Pauh Sii nih People’s Spring sinah a chim. Bomb puah hnawh a tongtu SAC ralhrang ralkap cheukhat hna cu bomb nih puak viar in a puah chih hna caah a thimi hi (10) leng an si kho tiah ARA nih cathanh an chuah. Bomb puah ning hi a fak taktak caah hliam tuartu hi ralhrang (20) tluk an um kho hna i,

A puahnak hmunah an kaltakmi ruak pawl cu nihin chun tiangah an rak laak kho hna lo tiah Ayardaw peng chung thawngzamhnak nih a langhter. Ruak (5) hna cu an rak laak rih lo tiah theih a si i, atu cu Kung Taa khua leiah an kal cang tiah Ayardaw peng chung kahdohnak tuahtu phu chungin tuanvo ngeitu pakhat nih a chim. SAC ralhrang ralkap hna cu Ayardaw peng chungum khua hna ahcun ni (4) chung bak i chawk hratin kawlhawlnak a tuahtu phu an si hna i,

Nihin Ngaing San khua in Kyar Pin Hlah khua leikap ah an kalnak lampi ah chimhrinnak ah kan rak kah hna tiah ARA nih a chim. January 12 zongah khan Ayardaw in nichuahlei Ta Ma Yu khua in Buesawtyi ruak a rak latu SAC ralhrang ralkap motor cu bomb in kan rak puah hnawh hna tikah SAC ralhrang ralkap le Buesawtyi phu chungin (7) an thi tiah ARA nih an langhter. crd- the federal times

Leave a Reply

Your email address will not be published. Required fields are marked *