Ralhrang Dohnak Ah Hliamhma Atuartu Mipi Ralkap Chanh Aa timtu PDF Pakhat nunnak Aliam

Karenni state Demoso peng ral dohnak ah hliamhma a tuartu PDF pahnih hna chanchuah ah a kaltu PDF pakhat nunnak aliam tiah theih asi.Ralhrang pawk cu PDF nih an ka kah hna nak ah pahnih hliamhma an tuar. Cu hliamhma a tuarmi hna chanh dingah a kaltu PDF pakhat cu meithal kuan nih akhen caah a nunnak aliam colh ti asi.CCN

Thawng dang relchap; Thantlang Relief & Reconstruction Committee (TRRC) nih Thantlang peng ralzaam hna sin ah a voi hnihnak thilpuan hrukaih, blanket puan , belkheng an kuat khawh than hna tiah kan theih. Tutan TRRC nih kan phawt mi thilpuan hruk aih le puan lum, khengbel hi motor pathum phur a si. Zahnak tlang, Khualhring tlang, Bual, Vailam tlang, Vanzang tlang ti in kan kuat.

Motor Pathum nih a phurh mi hi a phaisa in a tlawmlei Kyats Sing 300 lengkai man a si . 2021 December thla thawk ah motor 3 phur a voi khatnak ah kan rak kuat cang. Atu hi a voi 2 nak kan kuat si,” Tiah TRRC Asst. Secretary – 1 le Thantlang Sipin Committee Chairman a si mi Pu Ramkhar nih FB cahmai ah a langhter.

Tutan TRRC nih ralzam hna sin ah an kuat mi thilri pawl cu Korea in Pastor Phat Sung (Cung Bawi) le a hawile, Mandalay in Rev. Simon Thawng Hmung le Kawl lei in kan hawi le dang hna le Hakha Red Cross hna nih thenhpek mi lawngte an si, ti zong lunglawmhnak ca he a langhter. Crd- the hakha post.

Thawng dang: Nawlngeihnak latu SAC ralhrang ralkap nih vanlawng hmangin kahdohnak an tuahmi hi a vawi a tam ngai cang pinah KNLA umnak hmunhma ah siloin sualnak ngeilo mipi umnak khua chung lawngte ah timh ciam tein an kahmi a si caah zeitik caan paohah ralring tein um caan a si cang tiah.

KNU Brigate (5) ah biachimnak nawlngeitu Bohmugyi changtu Saw Ka Lay Du nih a chim. Mipi hna nih himnak hmunah um hratin lungfim te le ralring bu tein in um caan le ih caan a si cang tiah Bohmugyi changtu Saw Ka Lay Du nih a chim hi a si.Nawlngeihnak latu SAC ralhrang ralkap nih,

KNU control nak hmunhma simi Pha Pun pengkomh le Du Pa La Za pengkomh chungah hin khuami le mipi cungah timh ciam tein vanlawng hmangin kahdoh le thahnawnnak a tuah hi a si.Hi kong he pehtlai in Bohmugyi changtu Saw Ka Lay Du sinah biahalnak kan tuahmi a si. Crd- the federal times.

Leave a Reply

Your email address will not be published.