Ralhrang Le KNLA Battalion 27 Cobra Column Kar Kahdohnak Ah, Ralhrang 10 Leng An Thi

Cobra Column hmunhma ah ni 4 chung kahdohnak a chuak, SAC ralkap 10 leng an thi – KNLA battalion 27 Cobra Column nih an tlaihnak hmunhma chung ah ni 4 chung kahdohnak a chuak i SAC ralkap a thi mi an tam bantuk in Cobra Column hriamtlai 3 an nunnak a liam tiah Cobra Column nih a thanh. SAC Brigade 44 kuttang battalion pawl le,

KNLA battalion 27, Cobra Column, Black Leopard phu, Federal Wing Drone phu hna karlak ah November 21-25 tiang ni 4 chung kahdohnak a chuah hi a si. November 22 zinglei ah Myawaddy-Wawlay lam ah a umkal mi DKBA mawṭaw 1, Cobra Column i eidin a phortu mawṭaw 1 cu SAC ralkap nih an kah caah Cobra Column chungtel 1, hriamtlai nu 2 an nunnak a liam tiah theih a si.

KNLA battalion 27 kuttang phu le SAC ralkap karlak ah kahdohnak nifatin in a chuak i November 1-24 tiang chung ah kahdohnak hme voi 21 a chuak i SAC ralkap 33 an thi, 38 an i hliam tiah KNU nih a thanh i cazin lak khawh rih lo mi SAC ralkap a thi mi tampi zong an um tiah a langhter chih. Crd-The Chinland Post. Thawng dang rel chap – SAC Ralkap Nih Uknak A Lak.

Thla 21 Chungah Ram Pumpi Huap In Kahdohnak Voi 7800 Leng A Cang, Myanmar ram ah a luancia 2021, February 1 in 2022, November 15 tiang SAC ralkap nih hramhram uknak a lak thla 21 chung ah kahdohnak voi 7855 nak tlawmlo a cang tiah ISP Myanmar nih November 23 ah cathanh an chuah tiah theih a si. Kayin ramkulh ah kahdohnak voi 4394, Sagaing ramṭhen ah voi 919, Kaya ramkulh ah voi 339, Shan ramkulh ah voi 291, Magway ramṭhen ah voi 341,

Kachin ramkulh ah 213, Mon ramkulh ah 244, Pago ramṭhen ah voi 259, Chin ramkulh ah voi 588, Taninhtharyi ramṭhen ah voi 107, Mandalay ramṭhen ah voi 73, Rakhine ramkulh ah voi 48, Yangon ramṭhen ah voi 30, Ayeyarwaddy ramṭhen ah voi 8, Naypyidaw ah voi 1 a cang tiah an langhter. Kahdohnak voi tambik a cannak Kayin ramkulh ah SAC ralkap nih tanglei lei lawng si lo in van lei kahdohnak zong voi tamngai an tuah tiah KNU in chim phuannak nawl ngeitu Pado Saw Tawni nih a chim.

Atu hnu ah cun SAC ralkap nih tanglei leiin kahdohnak an tei ti lo tik ah, van lei kahdohnak in bawmhnak an tuah colh, KNU brigade 8 hmunhma ah ni fatin in kahdohnak a phunphun an tuah” tiah a chim. SAC ralkap nih uknak an lak thla 21 leng chung ram pumpi huap pengkulh 191 ah kahdohnak a cang i, cu chung ah voi 3997 cu KNU brigade 5 Hpapun pengkomh chung ah a cang tiah ISP Myanmar nih an thanhmi cathanh chung ah cun langhter.

Leave a Reply

Your email address will not be published. Required fields are marked *