Ralhrang Nih June Thla Ah An Khua Ningin Mei In An Khangh Mi Kinma Khua Caah An Hlut Mi Thilri An Khangh Piak Than Hna + Video

Ralhrangbu nih June thla ah mei in an khua ningin an khangh mi Magwe ramthen, Pauh peng Kinma khua caah mi nih an hlut mi eidin le thilri hna cu ralhrangbu nih nihin September 1 ah mei in an khangh tiah khuami nih an chim. Kinma khua bawmhnak thilri le eidin hna hi an khua phungki inn ah an chiah mi a si i, tuzing ah ralhrang hna nih an luhhnawh i, an eidin an chuan, an ei piak hnq hnuah bawmhnak thilri hna cu mei in an khangh tiah theih a si.

Khuami pakhat nih; tuzing suimilam 8 hranwgah ralhrang hna hi kan khua phungki inn ah an rak ra i, mipi caah mi nih an hlut mi dinei hna cu an i chuan, an ei. Mah hnuah palastic tipuan, ihphah tibantuk thiri phunphun hna cu mei in an khangh. Phungki inn maw an khangh cang tiin kan hlat tikah cun bawmhnak thilri pawl an khangh mi a rak si tiah Kinma khuami pakhat nih a chim.

Ralhrangbu nih Kinma khua cu June 15 ah an khangh ruangah a khua ningin a kang dih.Khuami hna cheukhat cu ramtangah an i dor rih caah ngandamnak le eidin ah an har ngai tiah theih a si. Crd- the chin post. Note: mah  alink hi khitthitnews/videos/ hmeh piak law Kinma khua caah mi nih an hlut mi eidin le thilri hna cu ralhrangbu nih an khangh nak video na zoh khawh lai.

Thawng dang: Palay PDF le rallokap nihnih chungah kahdohnak voi 2 a um rallokap lei in minung 8 an thi minung 4 hliam Sagaing ramthen,Palay peng chungah rallokap hna le Palay PPDF hna kar ah August 30 le 31 ah kahdohnak voihnih a um i rallokap lei in minung 8 an thi i minung 2 an i hliam tiah thawng theih a si.

August 31 nizaan zaanlei suimilam 2:00 pm hrawng ah Palay peng Thaungyin khua le Zaretthaw khua kar ah HmanThaw Pin ah kahdohnak a chuak i rallokap minung 1 a thi i minung 4 an hliam hna i puan in an tom hna i an put hna tiah PPDF lei in minung 2 an phei le an keng ah hliam an tuar phan ding cu a um lo tiah Palay mipi veng tu ralkap sin in theih a si.

August 30 ah Palay peng A Thetyuamah thlanglei ah rallokap he kahdohnak ah PPDF nih ruah lo piin an kah hna i rallokap lei in minung 7 an thih caah a pawngkam ummi Chan Thar Aung khua cu mei in an khangh tiah PPDF cathanh ningin theih a si. August thla chungah Palay kahdohnak ah rallokap lei in minung 43 an thi i PPDF lei in minung 2 an nunnak a liam tiah PPDF nih an chim. Crd- the chin post

Leave a Comment

Leave a Reply

Your email address will not be published. Required fields are marked *