Ralhrang Nih Raltuknak Vanlawng Pahnih In Loikaw Khua Chung Voi Kua Tiang An Rak Kah Lio + Video

Loikaw khuapi chung raltuknak ah Council ralhraang 20 an thi, a nung in pathum an tlaih hna i hriamnam le kuanzen an laak. Karenni (Kayah) ramkulh, Loikaw khuapi chung nihin raltuknak ah Council ralhraang lei in 20 an thi, hriamnam le kuanzen an laak khawh leng ah ralhraang a zaam mi pathum a nung in an tlaih hna tiah KNDF nih an thanh.

Loikaw khuapi chung Ywatanshi le Mainglon sang ah tu zing 8:00 thawk in faakpi in an i kap than. Council ralhraang pawl a thi mi le hmapu an tam ca ah tu zaanlei 5:45 hrawng in Loikaw khua chung cu raltuknak vanlawng pahnih nih voi kua tiang an rak kah tiah theih a si. Zaanlei sang ah ralhraang nih Mainglon sang ah inn an khangh hna. Raltuknak hmun ah KNDF ralkap pakhat a thi tiah theih a si.

Tu zing ah Ralhraang Division No. 66, Battalion No. 108 in a rak zaam mi pathum cu kutcheh bomb pakhat he KNDF nih an tlaih hna i Karenni Ramkulh Palek (KPS) kut ah an ap hna tiah theih a si. Crd- the hakha post. Note: Ralhrang nih raltuknak vanlawng pahnih in a kah hna lio video zoh duh mi hna nih mah a link hi hitthitnews/videos/ hmeh piak law video na zoh khawh lai.

Thawng dang: Nihin January 11.2022 Hakha , Dauchim lam ah nu pali an tlaih hna tiah kan theih. An hawikom pakhat nih ” anmah pa 4 lawng an si kho lo men ” tiah achim. An hawi pakhat nih a tanglei bantukin a Facebook cahmai ah a langhter. Report rak kan tuah piak cio ulaw, Zaangfah te in,Tuni Dauchim lam lei ah tlaihkhih tong mi an si, Dam le him in kan i tong zau hna lai, thla kan in cam piak ko hna. Crd- the federal times

Thawng dang: Mindat-Matupi lam ah CDF-Mindat nih ralhraang motor tlar an kah hna i ralhraang pali an thi tiah an thanh. Mindat in Matupi lei panh in a kal mi Council ralhraang motor phu cu Mindat in meng 42 a hlaatnak hmun ah, nihin zaanlei suimilaam 5:00 hrawng ah CDF-Mindat nih an kah hna i ralhraang pali an thi, CDF-Mindat lei in hma pu an um lo tiah an thanh.

Nihin zaanlei sang ah meng 45 nak zawn zong ah CDF-Mindat nih bomb an puah hna ca ah Council ralhraang a thi mi le hma pu an um kho tiah Mindat Mizapi Uknak Bu nih an thanh. Crd- the hakha post. Video zoh nak: Ralhrang nih raltuknak vanlawng pahnih in a kah hna lio video zoh duh mi hna nih mah a link hi hitthitnews/videos/ hmeh piak law video na zoh khawh lai.

Leave a Reply

Your email address will not be published.