Ralkap Bawi Hlun Pawl Pension Thlahlawh Cu Tu Lio Kawlram Hruaitu Pawl Thlahlawh Nakin A Let In A Tam Deuh Rih

Ralkap uknak chan lio i hruaitu a rak tuanmi pawl cu a tu tiang mipi phaisa tam deuh in pension thlahlawh an ei peng rih ko. U Than Shwe nih pension thlahlawh Kyat sing 100 a ei peng rih i tulio Kawlram President cu Kyat sing 50 in thlahlawh lawng a ei caah U Than Shwe pension thlahlawh cu tu lio Kawlram President thlahlawhnak in let khat (Kyat sing 50) a tam deuh tinak a si.

Ralkap bawi hlun pawl lak ah Kawlram mipi nih theih deuhmi pawl an pension thlahlawh cu U Than Shwe nih Kyat sing 100, General Maung Aye nih Kyat sing 80, Thura U Shwe Mann nih Kyat sing 50, General Thein Sein nih Kyat sing 50, Tin Aung Myint Oo nih Kyat sing 50, le General Tin Aye nih Kyat sing 50 hna an si” tiah Martin Swe’s Page nih a tarlangh hi a si.

Mmtimes nih tarlangh ning ah cun NLD cozah a kai hnu ah thlahlawh an thumh ti a si i atu Kawlram President nih Kyat sing 50 a ei i Vice President hna niih Kyat sing 40 cio an ei tiah a tarlangh. Amyothar Hluttaw (Upper House) Speaker nih Kyat sing 35 a ei i Pyithu Hluttaw (Lower House) Speaker nih Kyat sing 35 a ei ve ti a si.

Ramkulh le ramthen hluttaw chairman pawl cu Kyat sing 30 cio in an ei ve. Cun ramkulh le ramthen Chief Minister pawl zong nih Kyat sing 30 cio i a dang hluttaw palai pawl nih Kyat sing 20 cio in an  ei hna tiaah mmtimes nih cun a tarlangh hi asi.

Ralkap bawi hlun pawl pension thlahlawh he tahchunh ahcun U Than Shwe i a pension thlakhat hlawh cu ramkulh le ramthen hluttaw palai pawl minung 5 thlahlawh he aa tluk tinak a si. Tu lio Kawlram President thlahlawh nakin a let in a tam deuh rih ko.

Ref: Martin Swe’ page, mmtimes