Ralkap Council Nih Chinram Ah Traffic Palek Pawl Tel In Palek 200 An Rak Kuat Lai

Uknak chuttu Ralkap Council nih Chin, Rakhine le Sagaing ah palek 350 kuat ding in nawl a chuah cang i, Chin ramkulh ah 200 kuat a timh, Traffic palek (PK) an tam bik tiah theih a si. Rammi he dohter awk ah traffic palek pawl hmanh hriamnam a tlai mi palek thuam a hrukter cang hna. Chin ramkulh ah traffic palek an um ko. Atu cu traffic palek si ding in an thial hna lo. Hriamnam tlai palek thuam he an i thial lai.

Chin ramkulh ah 200 an kuat hna lai. Bago ramthen le Mon ramkulh palek zong Chin ramkulh ah an kuat hna lai,” tiah tuanvo ngei palek pakhat nih Tachileik News Agency ah a chim.Uknak chuttu a do mi rammi hna cu ralkap le palek hmang in SAC nih fakpi in an thio hna ca ah, palek cheukhat cu rammi lei ah tang in CDM an tuah.

Chin ramkulh palek tampi cu rammi lei ah an dir.Hmanthlak – Cazin hi tlap 18 a si nain Tachileik News Agency nih a hmuh khawh mi lawng langhter a si. Crd- the hakha post. Note: Hmangthlak hi a dih lak in kan langter kho lo zoh na duh ah cun The Hakha Post fb page ah zoh khawh a si.

Thawng dang: Kalay peng chungah September 8 nizaan ah Khuabawi minung 2 cu meithal in an kahthat hna hnu ah khua 5 khuabawi hna cu rian din nak ca an tial. Kalay peng Lah khuakomh khuabawi U Shwe Zam Thang, Chin Suh khua khuabawi U Van La Mon, Aung khua khuabawi U Tin Lin Mg, Myah Sing khua khuabawi U Won Sin Puang le Sin khuakomh khuabawi U Suah Ling hna cu September 9 ni ah rian dinh nak ca an tial tiah ramkhel kong ah riantuan mi pakhat nih a chim.

Nawlngeihnak lak hnu in khua tam deuh khuabawi cu rian in a din mi an tam. A tu hna hi cu rian dinh lo in pehzulh in a tuan mi hna an si. A tu cu an tih i rian an i dinh nak hi a si. Mipi hna sin ah zumh a tlak lo mi cu a lam ning tein kal a si ko lai ” tiah Kalay myo ramkhel pakhat nih a chim.

Kalay peng chung ah September 8 Zan Kalay peng Maw Si khua le Pin Kone Kyi khua ah khuabawi 2 cu Dalan thiahtu phu nih an mah inn ah meithal in an kahthat hna. Kalay peng chung ah ralhrang lei tang mi zei bantuk minung a si mi poh poh cu thianh nan si lai tiah khuami hna nih an chim. Crd- the chin post

Leave a Comment

Leave a Reply

Your email address will not be published. Required fields are marked *