2021 March 10 Chin National Army/Front le ralkap Tlangpi khua ah ton biaruahnak an ngeih hnu ralkap cu CNF/A camp lei ah an len tiah theih a si. Hi kong he pehtlai in Tlanglo khuami pakhat nih, “Nihin kan khua Tlangpi ah biaruahnak an ngei hna. Ralkap lei nih nan camp ah len kan duh ko tiah Dr. Sui Khar sin ah an hal nain Dr. Sui Khar nih a duh lo.
Biaruahnak an ngeih dih hnu ah lenh hrimhrim kan duh ko an ti than i an len. Atu hi ralkap cu camp in an rak kir lio a si. Amah Dr. Sui Khar le a hawile dang tu cu Hakha lei ah an len ve. Thinphan awk cu a um lo,” tiah a chim. Nihin CNF/A le ralkap bia i ruahnak ah ralkap lei hi motor le motorcycle in minung 40 hrawng an si tiah kan theih. Bia an i ruahmi a si khawh chung in hlat le thawngthanh kan rak in zuam than hna lai, crd- the hakha post.
Thawngpang dang relchap: Mizoram nih Myanmar Ralzam kan i zohkhenh ko hna lai, Police pawl zong Myanmar ram ah kan kua tthan hna lai lo timi thawngpang nih kan hna a ngam ter deuh ngai Ramchung buainak a linsa chin, kan uanu pawl zeitik ahdah an tlaih hna lai, meithal kuanfang hma an tuar len rih sual lai timi lungre theihnak karlak ah Mizoram nih Police zong kuat tthan ding.
Ralzam cohlan lo ding timi thawngpang a hum um chung kha cu lungre theihnak aa chap. Mizoram ah Myanmar ralzam tha tein kan zohkhenh hna lai, tiah CM Pu Zoramthanga nih Reuters (International media) sin ah a chim mi kan hmuh cu keimah zong ka um hmun in ka rak i lawm tuk ve. Cu tlawmpal ah Mizoram MP (Delhi Parliament ah ttuanvo pek mi) Pu Vena nih a rak ka chonh ve.
Ka chim mi kha a si ko, atu cu publics lawlaw in Media sin ah chim dih a si cang khah, kan i zohkhenh ko hna lai a ti. Kan i lawm tuk e kapu, nan unau nan kan dawt, nan kan dirkamh caah tiah Mizo holh ka thiam chun in ka chim ve. Cun a taang lei ca pawl zong hi Public in tar khawh a si ko, kan tar ko cang khah tiah a rak ka kuat chap. Pathian nih kan unau Mizoram thluachuah hna she, crd- salai cung dawt.
Leave a Reply