Ralkap nih Hakha sii-inn kanmah nih tuanvo kan laak lai an ti Cang + Video

March 12 chun in Ralkap nih Hakha sii-inn an luhnawh i “Siibawi le Nurse pawl CDM nan tuah lai maw? Nan tuah ding ahcun zanlei 3:00 hlan ah chuak ulaw kanmah nih tuanvo kan laak lai” an ti. Hi kong ah Hakha sii-inn uk nih “Siibawite cu kan chuak dih lai. Kan hawile siibawipi pawl zong kan chuak dih lai an ti.

Ralkap nih Hakha kan sii-inn tuanvo an laak ding khuami le mino nih zeitin dah nan ruah?” tiah a chim. Atu hi mino upa le biaknak lei upa le CDM OPD Clinic upa an i ton lio a si. Siibawite le Nurse pawl Quarters in a chuak mi ca ah umnak inn an tawlrelpiak cia dih hna, note: video zoh duh mi caah news/videos/ mah a link hi hmeh piak.

Cadang relchap: CNF/A hi nan kan uhtanh ko, nan mawh lo, amah belte hriamtlai dang he tahchunh awk kan tha deuh lo: Pu Htet Ni, Atulio kan ram buainak kong ah mizapi nih CNF/A hi nan kan uhtanh i nan mawh lo, amah belte Tlangcung hriamtlai dang he tahchunh awk kan tha lo, tiah CNF/A Chimphuannak Nawlngeitu Pu Htet Ni nih a chim.

Nationwide Ceasefire Agreement (NCA) ah minthu ciocio Tlangcung hriamtlai hi kan i khat hna lo. Kannih CNF/A cu Bilateral Agreement ah umnak hmunhma (control area) kan ngei. Phundang cun umnak hmunhma a leng ah meithal, uniform he cawlcangh thiam a si lo tinak a si. KNU khi NCA ah minthu mi an si ve nain rikhiah mi hmunhma (control area) an ngeilo. Mah belte an thazaang a thawn ca ah anmah tein control area an i ser khawh.

Thazaang an ngei ca ah an hmunhma chung ah an cawl kho ngai. Thil a um rih mi cu an control area ah hin Kawl ralkap zong hmunhma an laak ve tik ah i kah peng cu a si ve hoi. Atu CDM kong ah an cawlcangnak khi anmah control area chung ah a si. Kan dirhmun aa khat lo i hihi mizapi nih a ruah zia an thiam deuh rua lo. Chungtuan an si ve lo tik ah an mawh ve bak lo.

Kanmah CNF zong kan hmunhma ah Kawl ralkap hi hmun khuar ve hna sehlaw kan buai ve kho ko,” tiah Pu Htet Ni nih The Hakha Times ah a chim. Zeipoh a si ah hriamtlai dang hna cu thazaang an ngei. CNF cu hriam thazaang kan tlacham tuk. Thazaang ngeih i mizapi nih dirkamh tham ahcun kan cawlcang kho tuk ve ko lai, ti zong Pu Htet Ni nih a chim fawn, crd-the hakha times.

Leave a Comment

Leave a Reply

Your email address will not be published. Required fields are marked *