Ralkap Nih Tunii Lamzawh Mi Chai In An Cheihnak + Video

Kawlram pumpi ralkap uk duhlonak langhternak cu nihin February 15 ni hi a ni 7 nak a si cang. Kawlram pumpi mipi dihlak chuak in sandahpiah a si tikah ralkap lei zong an um sawh kho ti lo i, a phunphun in mipi thenthek an i zuam. Mipi thah ding tiang in siivai an hmang cang. Nihin Mandalay khuapi i sandahpiahtu hna cu palik nih chai in an cheih i an thenthek ve hna tiah DVB facebook page nih a tarlah.

A poi taktak si Cu lawngsiloin ngakchia tiang meikhangh an fial i cu zong cu an tlaih thiamthiam hna. A tlawmbik hmun hnih ah mei an khangh khawh ve. A tangah nihin palik le sandahpiahtu pawl an buainak video tar chih a si. Mah a link hi hmeh piak /rfaburmese/videos/  law kawl rapkap nih duhlonak lam zawh mi hna chai in an cheinak cu na zoh khawh ko lai.

Cadang relchap: Hriamnam he hramhram in cozah riantuantu le bank riantuantu riantuanter an timh hna nain tuni kha an hlawh a tling lo. Min Aung Hlaing cu ai hngilh kho ti men lai lo, a lungrawk tuk lai. A ruah leng in mipi nih kan huat timi a thei cang. Atu ning in CDM le lam zawh kan peh khawh ko ahcun tuzarh chung ah result pakhat khat cu a lang hrim ko lai.

UN le US nih hriamnam in tlangtlak awk a tha rih lo. Ralkap nih zawnruahnak ngei loin rammi an kan kah i an kan thah sual lawng ah ramdang nih an tlangtlak duh lai. Atu lio cu ramdang bochan tuk awk a si lo. Yangon ah mipi lam an zawh ning zong ai dang deuh ngai cang.

Cun voidang Sule le Hledan deuh lawng ah lam zawh a si nain atu cu ralkap le palik an lor ngam lonak US embassy hmai khi center ah an lak cang, lam zawhtu cu nifatin lampi an khat lengmang ko. Crd- salai lungthli tum.

Leave a Comment

Leave a Reply

Your email address will not be published. Required fields are marked *