Ralrin Nak Na Phone Rak Check Colh Ve

Ralrinnak rak check colh ve na phone kha! mah tiin na Phone a um ahcun rak tuah colh ve Midang he nan i chonh lio ah a voikhatnak ah an aw theih lo tibantuk,a voi 2nak ah aw theih tibantuk, midang he nan i chonh cuahmah lio ah aw tlau tibantuk le thawngpang aw dang na theih,a langhti bantuk a si ahcun na phone kha Ralkap or Palek silo ah Minung Pakhatkhat nih a thli in nan i chonhnak an ngaihpiak a si kho.

A fawinakcun na phone in mi na chonh biak hna kha a him bak lo tinak a si. Mah na phone kha Call forwarding a tuah maw zoh piak a zoh ning.*#62# call piak MPT lawng An tuah rih. Hmanthlak pakhatnak bang in a um ahcun Na phone call an rak ngaih tinak a si. Call Forwarding in a um ahcun Off ning cu *#21# call than law off ai tuah lai. Mizaapi nih an hmuhkhawh naklai Share rak tuah ve.

Na hawi nu/pa kha rak Tag cio hna ulaw rak chim cio hna u mah hi ralkap lei nih an tuah mi Phone Cracking an tuahmi a si. Note: an in crak lo ahcun na no a lang chih lai Fake a si lo a a si tak mi a si muh, crd- L M S official production.

Thawng pang dang relchap: Chin National Army/Front (CNA/F) umnak Camp Victoria ah Lungler le Vuangtu ah hrambunh mi Kawl ralkap Kha-la-yah 269 in ralkap 35 cu March 10 zanlei ah an phan i CNF/A nih kan in kah cang hna lai tiah an tlerh hna hnu March 11 chun ah an kir than tiah kan theih. The Chinland Post nih a fiang mi sin in kan theihning ah palek in CDM a lut i a zammi an tlaih mi hna minung 5 renglo an um.

Tlaih a tong mi bia an hal hna tikah CNF Camp ah kal kan i tim tiah an leh hna caah atu bantuk in CNF Camp ah an rat hi a si. Ralkap lei nih tuante in [ a hlan kan ni 5 chung ah] thawng kan in thanh lo mi hna cung ah kan theithiam hram uh. Timh cia lopi in Nay Pyi Taw lei nih palek CDM pawl va dawi hna u an kan ti caah a si tiah CNF/A upa an ti hna.

CNF upa lei nih Mipi cu an i chawk tung ko i mizei an si kan thei hna lo tiah Tio tiva hram i a rami Kawl ralkap cu biaruahnak ah an ti hna. Tio hram i biaruahnak an ngei lio ah khat lei Mizoram lei ah India ralkap zong an um tiah kan theih. CNF lei nih zeihmanh um lo. Va lawi cang uh tiah Kawl ralkap an leh hna tikah Kawl Ralkap lei nih, Nay Pyi Taw lei nawl chuahnak in ratter mi kan si caah kir uh an kan ti hlan chung cu rak kan umter ko uh tiah an nawl hna.

Nain CNA nih kir uh tiah an ti chihmi hna cu Kawl Ralkap lei nih kan bat tuk caah Tlanglo ah zan khat kan riak lai tiah an hal hna i CNA lei nih thaizing tu ah nan kir ding a si ahcun riak ko uh an ti hna tiah kan theih. A thaizing March 11 ah Tlanglo in an chuah hlei lo pin ah Nay Pyi Taw lei nih kir uh an kan ti lo caah Tio lei ah kan ra than lai tiah Kawl ralkap nih an timi cu CNA nih kan nih cu biachim ding kan ngei ti lo.

Kah ding lawng a tang cang tiah an leh hna i meithal zong zun tamlak an puah hnawh hna tiah thawng kan theih. Cu hnu March 11 zanlei sml 2:00 tluk ah Kawl ralkap cu an kir tiah kan theih. CNF nih a ralkap kahnak nawl a pek hna ti thawng an theih caah Tlanglo khuami tampi le Tlangpi khuami cheukhat cu khuapi lei le Tio lei ah an zam tiah kan theih, crd-the chinland post.

Leave a Comment

Leave a Reply

Your email address will not be published. Required fields are marked *