Khoika kan um hmanh ah mifir hi an um peng i iralrin ngaingai a herhmi a si. Cucu zeitin kan i ralring khawh lai ti ahcun a tanglei video ka chiah chihmi zoh in mifir pawl nih zeitin thil an fir timi theih khawh le iralring khawh a si.
Nihin 2020, September 30, zinglei suimilam 8:20 am hrawngah minu pakhat cu Store dawr pakhat ah phungki hlut ding tiah khohsuai car, arti le thil dangdang tampi a cah i, phone bill card pakhat zong a cawk ti si. Cu ti cun Phone Bill Card pawl he phaisa an chiahmi bawm a fir aa zampi tiah source nih a langhter.
Source nih a langhtermi cu, “A minung zoh tikah ni kum hrawng i Mandalay khua chungah cycle lukhuh aa khuh i midang thil a rak firmi minu he aa lo” tiah a tial. Cu mifir aa citmi cycle number cu 66y-41487 a si. A firmi thilri a kut chung a phan hnuah thilri dang pawl cu ka nule nih tlawmpal aah an rak lak lai a ti i a zam diam ti si.
Hi thil cang hi Manlalay khuapi 35 lam le73 lam tonnak ah a si i nan iralring khawhnak ah kan tarpiakmi hna a si tiah source nih a langhter. Minu nih a firmi phaisa le phone bill card man in tuak ahcun singkhat leng hrawng a si lai tiah theih asi.
A video chung zohnak ah a firmi bawm cu dawr ngeitu nih an chiahnak hmun in a lak i hmun dangah a tthial hmasa. Cu hnu ah minute 3 hrawng a hngak i an ka hmu ti lai lo a ti hnuah a chiahnak cu a lak than i a bag chungah a sanh. Cu ti cun a lengah a chiahmi a cycle aa cit i a zam zawkzawk mi hmuh khawh a si. A tangah a video zoh chih ding tar chih a si.
https://www.facebook.com/100047407688445/videos/pcb.182293896694199/182293796694209/
Source: Nandar Htun and Wai Lin
Leave a Reply