Ram le Miphun Caah A Mit Pahnih In A Pe Tu CDF-Thantlang Commando Salai Van Tawk Sang Upatnak An Pek Lio +Video

Ram le miphun ca ah a mit pahnih in a pe tu CDF-Thantlang Commando Salai Van Tawk Sang cu Commando a rianṭuan ṭi hawi nih upatnak an pek lio a si.crd- the chin post. Video cu a tang cem ah zoh khawh a si lai. Thawng dang: Monywa Le Shwebo Ah Umhmun Khuarmi Le Mei Man Khawltu SAC Ralkap Cu PDF Nih An Kah Hna, 4 An Thi. Sagaing ramṭhen,

Monywa Aungzeyar sang ah umhmun a khuarmi SAC ralkap cu hriamngan in kan kah hna caah 2 an thi, tiah Salingyi Border Task Force – SBTF phu in ṭuanvo ngeitu pakhat nih a chim. March ni 24 zing suimilam 2:20AM hrawng ah Aungzeyar sang ah umhmun a khuarmi SAC ralkap cu PDF nih 60mm, 80mm le 120mm lung 100 hrawng in an kah hna caah ralkap 2 an thi, 1 hliamhma fak ngai a pu, tiah theih a si.

Cu kahdohnak ah Salingyi Border Task Force – SBTF le Yinmarbin-Salingyi phu hna i bawm in an kah hna, tiah theih a si. Cu pin ah Sagaing ramṭhen, Shwebo peng Myaunggyi khua ah mei man khawlh dingin a kalmi SAC ralkap cu bomb in kan puahhnawh hna caah 2 an thi, tiah Buffalo Soldiers Freedom Force in ṭuanvo ngeitu pakhat nih a chim. March ni 24 zanlei suimilam 2:28PM ah leilawng 3 le Canter 1 in mei man khawlh ding ah a chuakmi SAC ralkap 20 hrawng cu bomb lung 8 in PDF nih an puahhnawh hna caah 2 an thi, tiah theih a si.

Bomb in kan puahhnawh hna hnu ah an kan kah ve. Kan sakhan kan phak tiang Myaunggyi khua ah kahdohnak a dai rih lo. Kanmah lei in a thimi le aa hliammi kan um lo,” tiah Buffalo Soldiers Freedom Force in ṭuanvo ngeitu nih cun a chim.crd-the chin post. Video zoh nak a https://www.facebook.com/miphundawtu123/videos/, link a link hi na zoh ko lo ah cun the chin post page ah zoh khawh a si lai.