Cu bantuk Ramkhel le lungthinput nih cun midang caah harnak pek lawng si loin, anmah ca lila ah khan harnak le ngaihchiatnak tawn a si theu. (By Daniel Rum Hnin)
Ramkhel (Politic) tuah tik le cawlcangnak ah ‘Keimah’ ti mi ruahnak le lungthinput a si mi, Keimah Ka miphun, keimah ka Biaknak, keimah Ka takzong (minak/ mirang/ misen), keimah ka pengtlang, keimah ka khuaca lawng timi ruahnak le lungthinput (Narrow mind) in Ram nan khel/ Politics nan tuah ahcun a donghnak i a phichuak cu thatnak nakin thatlonak le mipi caah harnak a chuakpi mi a tam deuh tawn. Cucu Vawleicung tuanbia ah fiang tein hmuhkhawh dih a si.
Hitler nih kan mah German miphun lawnglawng ti mi ruahnak le lungthinput in Ramkhel Politic a rak tuah caah Vawleicung ralpi tiang a thawk ter i sualnak a ngeibak lomi le Nu le hngakchia Million in an rak thi.
Khrihfa le Muslim raldohnak ah cu thiamthiam in sualnak zeihmanh a ngeilo mi Million in an thi. Naite ah (ISIS) nih kan mah Biaknak (Muslim) lawnglawng timi lungthinput in Remkhel/ Politics an tuah tikah a phichuak a tha maw/ a chia ti mi cu Vawleicung Mipi theih a si ko.
Cu bantuk Ramkhel le lungthinput nih cun midang caah harnak pek lawng si loin, anmah ca lila ah khan harnak le ngaihchiatnak tawn a si theu. Cucaah Ramkhel/Politics tuah tikah Vawlei tuanbia kha zoh in, cawlcang le ralrin thiam ah cun, midang ca le mah ca zongah a thabik mi theipar hmuh a si ko hnga?
Credit: Daniel Rum Hnin
Leave a Reply