Ramkhel Rian ah Chan Thar Chin Mino Nih Ka U Lei Hnu A Zulh Khotu Kan Um Hgna Maw

Ramkhel rian ah chan thar  chin mino nih ka u lei hnu a zulh khotu kan um hgna maw. Miphun caah Hrang Nawl bantuk kum 26 asi ah miphun party CNO a dirhpi hna i 32 ah ramhran hriamtlaih a hruai kho ngamtu. Lian Uk bang Chin mino buu a hruai i sahrang Ne Win sinah federal biatung a dirh ngamtu. Zing Cung bang kum 25 hrawng asi ah Chin mino pawl Kachin ram ah ramhran a thawhpi ngamtu. Pu Lian Hmung Sakhong bang kum 28 hrawng a si ah Miphun Party CNLD dirh hruaitu ah itel in miphun le ram caah Myanmar ram tlirh in pawlai bang a huuk ngamtu MINO kan Laimi chungin tampi an chuak kho ti lai maw kan hrin a dong sual lai maw tiin a lung siaserh nak a vun langhter hi kan hmuh ah Chin Mono nih Ramkhel rian ah pumpek in kan dir ngam ahau hrim ti a lang ter ngai.

Nihin ramkhel ah mino maw biapi deuh upa bia halnak zong aa telh ve. An biapi veve ko tiah a ti  ve Kanmah kan biapi deuh tiah i al le idoh can si lo riantuanti can a si tiah a vun langhter than.  Asi kun ah, aziah MINO kong biapi in tlaang ka tar kun Upa tar le pensen pawl nih nihin kan ramkhel abik in party ramkhel a khuhchilh iap tuk lawmlam caah a khiing aa buaktlak balance deuh a hau i a torsiam ahau cang rua ka ti caah a si tiin a hmuh ning a vun lang ter.

Cun ramkhel rian ah mino a vun ilang khawh lonak a ruang zonga vun langter ve. Nihin ramkhel ah mino an lu an tun khawh lonak a ruang hi, anmah lila an thla a corh thlu lo le zeiruahrah lo bia a si thlu lo. An mawh lonak a tampi ve. Pakhatnak ah kan upadi nih mino buantual a phih ngai. MP cuh duhmi le vuanci khawhnak kum rikhiah ramdang zong an kham ko nain Myanmar hi a zual. Pahnihnak kan ram sipuazi chiat tuk ruangah mino pawl fawi tein an ke in an dir kho colh lo. Pathumnak upa pawl pensen le lawngkang an tam caah an can phaisa an thawh khawh deuh. Cucaah party chungah an bia a nung i hmun an nei deuh. NLD candidate thimnak zongah upa pawl phaisa in rian an tuan I mino pawl hmun an ting lo timi hmuh len a si hih. Palinak kan khuatlang ah ramkhel hi upa rian a si tiah nunphung in ruah a si. Credit by Salai Ceu Bik Thawng.