Rangon Ah Chin Nu Pakhat Ralhrang Nih An Tlaih

June 14 ah khan Rangon khuapi Kyauktada myone ah khualtlung cazin an cheknak ah Chin nu pakhat ralhrang nih an tlaih. An tlaihmi cu Grace timi nu a si i a phone chungah kutzung pathum langhtermi le ramkhel he aa pehtlaimi ca kan hmuh tiin June 14, zan 10:00 pm hrawngah an tlaihmi a si.

Grace a hawinu nih “Nizan nazi 10 hrawngah ralhrang nih kan umnak ah khualtlung cazin an rak chek. Kan phone le kan hmatpungtin zong an lak i an chek. Grace phone ah a post mi, a share mi le kutzung pathum langhtermi an hmuh pah tikah ralhrang nih Grace cu na thilri i tim tiah a fial. Midang phone ah cun zeihmanh an hmu lo” tiah a chim.

Grace chungkhat pakhat nih “Tuni kha sakhan ah kan kal. Zeihmanh an kan ti lo. Kan hmatpungtin an kan pek than, a hnuah cun nanmah zong kan in tlaih hna lai. Khualtlung cazin nan pek lo ahcun tiah an kan ti” tiah a chim. Grace cu ahohmanh nih ton khawh a si lo, tuzan hi biahalnak an tuah lai. Amah hi Kalaymyo Computer College ah a kaimi a si. Crd-the chin post.

Ca dang rel chap;l Jehovah Kan Pathian Kan Miphun Cung I Na Khuakhan Hi Minung Ruahnak Nih A Phaan Kho Hrim Lo E: Chinram,Thantlang Peng ikahnak ruang i pum himnak ruahah Kan Laimi a zaam mi hna cu,Kan unau,Mizoram ,Farkawn khua chung ah um naak hmun an ngeih ti lo caa le Covid Zawtnak ruang he pehtlai chih in khua chung um kha.

India Cozah lei nih an sianh hna lo ruangah a tubantuk khin,Farkawn khua mi YMA hna Nih an ram chungah an idornak thlam an sakter hna. An thlam khuhnak caah silpulin zong Ttha tein an peek hna ti a si.Farkawn khua mi,Bawipa nih thluachuah in pe Ko hnaseh.

Atang hmanthlak i pitar te zawng hi tiau tiva ral anvan kai pi bak in kanram te kan vawilei maw kan inn le kan lo ati le Chin ram lei a chuanh pah in heh tiah Ttap e, anti.Bawipa nih kilveng Ko hnaselaw.Crd-tin duh thang.

Leave a Comment

Leave a Reply

Your email address will not be published. Required fields are marked *