Rel Tlolh Hlah: Chin State Cozah Nih Pyidaungsuh Ah Bia Dik Lo A Chim Sual Maw?

Chinram khuate 769 caah an herhbaumi hunchonak cu 100% kan tuah piak dih hna.

MRTV nih Chin state khuate 769 hna caah an tthanchonak caah le duhdim tein an nun siamremhnak ah 100% kan tuah piak dih cang hna, kan lim dih cang tiah an thanh.

Chin state khuate kip hunchonak department nih Kum 2019/2020 tangka kum (budget) chungah Pyidaungsuh tangka kyats 6391.7 million le State Cozah tangka chungin 862.82 million dih in Chinram khuate hna duhdim nun an hmuh le phihkhar dihnak caah 100% in kan lim le tuah dih cang tiah an thanh hi si.

Chinram khuate kip nih rak tuak cio tuah ulaw,nan khua cio ah zeitluk in dah tthanchonak le duhdim nun nan neih khawh dihnak tiang caah bawmh le chanhmi nan si kha nan fiang bik ko lai. Hika zawnah hin a ho a palh an dik timi tucu Chinram khuate kip  kha biadik theitu le hngaltu an si ko lai.

MRTV nih a thanhmi hi Chin state Cozah nih thawgnpang an pekmi hna chungin an thanhmi si ko caah Chinram khuate 700 leng nih duhdim in tthanchonak zeitluk dah nan hmuh le bawmh nan si kha theih duh cio ngai mi si.

A ruang cu State Cozah nih pyidaungsuh ah biadik lo a chim sual maw? Khuate 700 leng caah an duhherhmi hunchonnak a phihkhar piak in atuahpiak dih ko maw? Hlenmi kan si sual maw? Nangmah keimah kan um ruangah Cozah a ummi si. Cu Cozah ahcun nawlngeitu bik cu mipi kan si caah Cozah cathanh le report pekmi hi a dik maw diklo ti zoh le ngiat hi mipi kan rian a si ve.

Credit: Willion HC