Republicans Pawl Nih Donald Trump Cu 2024 Candidate Ding Pawl I Tonnak Ding Ah An Sawm Ve

Republicans pawl nih Spring Meeting Palm Beach, Florida ah tuah dingmi April 9-11 “Potential 2024 candidates” ah Donald Trump cu an sawm ve tiah a si. Top party donors/potential 2024 Presidential Candidates” pawl an kal hna lai. Trump hi Florida lei ah a hmalak ding ning le Second Impeachment tuah an timhmi kong ah ai timlam cuahmah lio pi a si. 2024 ahhin President ai cuh tthan ding le ding lo kong zeihmanh a chim rih lo.

Micheu le Media tthenkhat nihcun Republicans pawl thinlung ah a tla ngaingai tiah an chim. RNC Chairwoman Ronna McDaniel nih 2024 Candidates ding ahhin Neutral ah ka um lai tiah a phuan cang. Trump supporters pawl nih lamdang an zoh lo. Republicans ahhin fek tein dir hi an itinh bikmi a si ko. Donald Trump zong hi Republicans party chung tu ahhin fekte in dir ai tim ko. Amah lawng in party dang dirh ai tim lo a timi tampi an um.

Rel chap: WHO Team Wuhan Quarantine Nak In An Chuak Cang, Wuhan Covid-19 Origin hlathlai dingin Special Team World Health Organization (WHO) nih a thlahmi hna cu Quarantine in caan an hmannak in rianttuan dingah an chuak cang tiah theih a si. WHO Special team hna hi ni 14 chung Horslt ah quarantine in an erh hna hnu ah an rianttuan dingin bus in an chuak cang ti a si.

Covid outbreak hi mi tampi nihcun politics ah an ruah. China nih hi zawtnak hi a chuahnak hrampi ah an puhmi cu a duh lo ngaingai tiah theih a si. China nih WHO special team hna hi zei can dah investigation hi a onh hna lai. A hote dah biahalnak tuah ding an si lai timi theih a si lo. WHO official Keiji Fukuda nihcun zeizongte hlathlai viar dingin cun a kum in a rauh a hau lai tiah a zumh.

WHO hi US nihcun an soisel taktak cang. Trump le bang nih a chuaktak cang hna kha. Chin Pumpet tiah WHO chief zong a rak ti phah. Tutan ahhin an duhmi kong taktak hi an hlathlai kho te hnga dek maw. Crd- Voice Of Chin.

Leave a Comment

Leave a Reply

Your email address will not be published. Required fields are marked *