Kan hnu lei Rev. David La an tlaih lio ah biatak tein a soiseltu minu cu a tu ah a zeng cang. Pathian profeh Elisha cu ngakchia hna nih an soisel caah Pathian nih vom pahnih a thlah hnawh hna i cu vom nih a ei dih hna timi Bible chungah kan hmuh. (2 Siangpahrang 2:23-24).
Cu ve bantukin Pathian nih a hmang ngaimi Rev. David La a soiseltu Buddha biami Kawlnu pakhat, amah le amah nih cun Ma Yu aa timi nu cu a tu Pathian nih dan a tat i a zeng cang. Atang bik ah a video chiah chih a si.
A rak soisel lio ahhin Rev. David La cu “Cele si na duh ahcun na bawngbi phoih. Kanmah pathian Buddha nih thiltha nan tuah ahcun thiltha nan hmu lai i thil thalo nan tuah ahcun thiltha nan tonng ve lai a kan ti. Nanmah minung pawl caah minung bia in ka chim hi. Cele si maw na duh, minthang maw na duh. Cele si na duh ahcun na bawngbi kha phoih law i chawk ko” ti tiang in a soiseltu a si.
Atu cu amah zong a zeng cang. A mit khua a hmu ti lo pinah a mit zong a ce cang. A hmur zong a ce cang. Thla tlawmpal ah a sam sau in hmuhmi cu atu a tawi cang. Rev. David La a soisel lio cu a lei hmanh a zaang ning, bia chim aa fawih ning, a tu cu bia hmanh tha tein a chim kho lo.
Amah hrimhrim zong nih ka bia chimhmi zong a fiang ti lo a ti. “Hmasa i ka hnar aa dawh tuk ka ti tawnmi cu a ce cang, ka mit aa dawh tuk ka ti tawn mi cu a ce cang i a hmu zong a hmu kho ti lo. Ka mui aa dawh tuk a ti mi hna le ka pumrua aa dawh a timi hna, minung pumsa cu hi ti hin a si ko.”
“Keimah cu ti ka din zongah ka kaa in ti a zut cang. Ti din rawl ei hmanh aa thiam ti lo. Na zia chia hlah seh, keimah cu ka zia chia tuk caah pathian nih dan a ka tat” tiah a chim.
Hi kong hi Pyu timi fb account ngeitu nih “Jesuh Khrih kong thawngtha chimtu Saya David La biachia vialte hmang dih in a soiseltu Ma Yu cu a mit khua a hmu ti lo. Lung cu a tha lo ngai. Pathian riantuan pakhat cungah a chimh sualmi caah thinlung tak tein aa ngaichih i a mit khua hmu than hram seh” tiah a video he a tarlangh hi a si. A tangah a zeng hnu video tar chih a si.
https://www.facebook.com/Goodnewsteller/videos/2282317521914623/
HI KA LINK AHHIN REV. DAVID LA A RAK SOISELNAK VIDEO ZOH KHAWH SI.
Source: Pyu
Leave a Reply