Rev. David La a soisel ruangah a zeng i a mit khua a hmu lo tiah tu lio online media ah a lar ngaimi Mi Yu @ Zarchi Thin Yu cu live video a thlah i a puah chinchin cang.
Nizan ah live video a thlah i, “David La a cam ruangah a zeng i a mit khua a hmu lo nan ka ti. David La cu ka cam lo. Pumpak sinak in ka soisel ko. Nain ka cam lo. Cun a tu ka mit khua a hmu lomi hi ka thluak ah a bomi a rak um ciami ruangah a si. David La ka soisel ruangah a si ahcun David La cu pathian maw a si? Zeitindah a ka zawtter khawh lai?” tiah tam nawn a chim. A tangbik ah a video zong tar chih a si.
Cu nizan thiamthiam ah a facebook ah a post mi cu a tanglei bantukin aa tlak ning in ka van leh piak chin hna. A lung a thumh hrimhrim lo timi cu a tanglei a catialmi hin theih khawh a si. A catialmi cu;
David La nawl seh a ka ti dih cang. Kei ka chimhmi cu a sawhsawh te khi a si ko. Mei a kau hmasatu cu David La pei a si cu. Kan phungki pawl zong online in an chim cio kha. Mah kha amah nih a thawhmi a si lo maw? Cucaah Mi Yu zong ka chim ve i si. Cele si maw na duh timi cu ka chim chih ko. Hi buainak mei hi ahodah kaumi hme a si? Mei a kau hmasatu nih nawlnak a tuah awk a si.
Ka mit khua a hmu lo zong ah a poinak um lo. Keimah nih ka chimmi bia cu keimah nih ka theih. Ka cam/volhpamh mi nan thei maw? A nu le pa min chat in ka chim chih lawnglawng ah a cam/volhpamh e nan ka ti awk a si.
David La kong ka chimhmi kha cam le volhpamh a si lo. A sawhsawh te khi a si ko. Nan duh ning paoh in fianternak tuah khawh a si. Ka mit khua a hmu lo hi. Amah (David La) zong kha chimh uh. Amah zong nih nawlnak tuah ding in timhtuahnak ngei seh.
Amah nih a kaumi buainak mei a si hi. Phungki tiang online in an phan kha. Keimah lei in nawlnak tuah nan ka duh ahcun buainak mei a kau hmasatu zong nih nawlnak tuah ve seh. Cucu a fiang ngaimi a si.
Ka dam lo hnu ah caan tha i lak in nan lung diriamnak chim hla uh. Zeitik caan paoh ah fianter khawh a si. Ka chimhmi bia ka theih dih. Asinain Cele si na duh ahcun na bawngbi phoih law i chawk ti cu ka chim. Cucu cam le volhpamh a si maw? Ahodah buainak mei a kau hmasa timi cu kan ram pumpi nih an theih dihmi a si. Atu ah Mi Yu cu hmun kip ka kip in nan doh rih” tiah a tial hi a si.
Hi Ka Hin Video Zoh Chih Khawh Si.
Source: Zarchin Thin Yu
Leave a Reply