Rev.Tluang Hmung Lautu Miphun Caah Thlarua Leiin Kan Pa Bik A Tuanbia Tawi

Lautu Ram le Lautu Miphun chungin  Bawipa thawngtha bia a auhpi hmasa tu Kan Pu Ka Pa Rev. Tluang Hmung tuanbia tawi.Lautu Pengah Biaknak leiin kan Pa bik Rev Tlung Hmung cu Lautu miphun Muinak chungin Ceunak lei ah a kan chanchuah hmasabik kan Pu ka Pa Pakhat asi. Rev Tlung Hmung hi Lautu ram Thangaw Khuami Pu Hrang Tling le Pi Zung Ci I an fapa Pahnihnak asi.

Sianginn Kainak: Rev Tlung Hmung cu a chuahnak khua Thawngaw in Hnaring ah sianginn kai dingin January 14,1925 kum ah a kal in Tangcheu a kai. Cu lio ahcun a kum 21 asi cang.  Mah lio ahcun Khrifa a simi Mr. Isaac hi a saya a rak si. Hnaring khua ah (1925-1932) tiang sianginn cachimh rian a rak tuan. Mah lio chan ahcun Bawifa le Tlangpi fa hna lawng nih Sianginn rak kai kho asi.

Kawl ram independent hmuh hlan asi. Primary School hmuh ding zong khi a rak har taktak lio asi.Halkha le Falam Sianginn bawi pa/ Zipeng bawi pa hruainak thawngin Khuapi deuh ah Primary Sianginn tuahpaik kho asi. Hnaring zong 1925 kum ah State Primary School a rak hmuh ve cang.

Halk Siangbawipa Sin ah a kalnak: Saya Isaac cu khrifa pakhat asi ve bantukin Sianginn caa lawng chimh lo in Bawipa khamhnak thawngtha bia zong a rak chim chih tawn hna.  Mr Tlung Hmung A Saya pa nih khrifa a lutmi cu Pathian nih thluachuah a pek hna lai tiah a rak forh pah tawn hna caah a lung suk ngai i, Tanghni ( class 2 kai lio)ah aa ngol i, Halkha ah khrifa a lut hmasa bikmi pa Pu Shia Khaw a zulh I Halkha a phan hnu ah Pu Shia Khaw nih Strait Siangbawipa sin ah a kal pi.

Bible sianginn Kainak: Halkha ah Hmasabik bible sianginn rak dirtu ( 1928-1932)Chester Strait sinah Mr Tlung Hmung cu Bible sianginn a rak kai. Arak kai tiin mi hna cu Rev. Heng Cin, Hriphi Khuami le Rev.  Sa Lang (Tin Si Khuami hna an rak si. 1932 kum ah Mission Bible Sianginn in Graduated ve. Sianginn bawipa nih Lautu le Mara peng ram thar ah nunak , ceunak khamnak thawngthabia thlaici a vorh dingin a hodah a kal lai a ti tikah Pumpek biakhamnak a rak tuah ve.

Mr.Tluang Hmung nih Lautu le Mara cu ka chuahkhehnak ram asi bantukin ka mihun le kan ram ceunak le khamhnak an hmuh dingah keimah ka kal lai taih ralthat ngai le a fekmi biakhiahnak he Siangbawiopa sinah a rak chimh. Siangbawipa nih Bible Cauk le Sobul a pek I lautu le Mara tlang ah Pastor riantuan dingin thlachuah a pek I , a rak thlah. Credit : Rev Dr Van Cin Thang.