Chin ramkulh, Falam peng Rihkhuadar SAC ralkap sakhan ah nihin February 2, zaanlei suimilam 2:25 ah helicopter pakhat a ṭum i cu helicopter cu sakhan a ṭum hnu minutes 4 tluk a rauh hnu ah a kir ṭhan, tiah theih a si. Rihkhuadar ah helicopter a ṭumnak kong he pehtlaih in thawngfiang theih a si lo nain, cheukhat tualchung mi nih cun thla thar a si cang caah SAC ralkap thlahlawh a phurh hna a si kho men, tiah an ruahnak an chim.crd- The Chin Post. Video cu a tiang cem ah zoh khawh si.
Rel chap: Rihkhuadar Ummi SAC Ralkap Le Ṭio Tlang Um SAC Ralkap Umnak An I Thleng. Nihin Feruary ni 2, zinglei ah Chin ramkulh Falam peng Rihkhuadar um SAC ralkap le Ṭio tlang ah a ummi SAC ralkap an umnak an i thleng tiah theih a si. “Nihin Feruary ni 2, zinglei suimilam 5:00AM hrawng ah Rihkhuadar ummi SAC ralkap le Ṭio tlang ah a ummi SAC ralkap cu an umnak an i thleng, umnak aa thlengmi ralkap hna cu zinglei suimilam 9:30AM tiang ah an kir kan hmu rih hna lo,
Cun zei ruang set ah an umnak an i thlen zong hi kan thei lo. Nain thla dih caan ah hin an i thleng pah tawn” tiah tualchung mi pakhat nih The Chin Post ah a chim. “Atu lio hrawng hi Ṭio khuachung ah mipi lei ralkap zong an thilthuam le an hriamthil he khuachung ah motorcycle in an i chok tawn. Atu bantukin khuachung ah an thuam le meithal he an um kal hi mipi ca le anmah ralkap ca zong ah a ṭha lem lo” tiah a dang mithmutu pakhat nih The Chin Post ah a chim.crd- The Chin Post.
Thawng dang: SAC Nih An Nawlngeihnak Thla 6 An Chap! A Zalongmi thimnak tuah a si khawh nakhnga caan laak rih a hau ti in, “Emergency period” cu 2023 February 1 in a ra lai mi thla 6 tiang sauhpiak ding ah January 31 i tuahmi Defence and Security Council meeting ah SAC Chairman Min Aung Hlaing nih nawlnak a tuah i, chungtel hna zong nih an cohlan, tiah theih a si. Rampi hruainak i sermi phunghrampi 419 ning in ‘Chief of defence’ sin ah rampi nawlngeihnak cu pek a si tiah an meeting ah cun biakhiahnak an tuah.
Thimnak kong he pehtlai in mizapi sin ah fimchimhnak ngeih a herh i cu hlan bantuk in lam le sul pehtlaih a fawinak ding ah caan pek a herh rih, tiah SAC Chairman nih cun tonbiaruahnak ah a chim. Vote pek le pek lo kong cu mizapi duhthimnak a si i, thimnak tuah a si khawh nakhnga cozah cu kan i zuam ko, tiah SAC hruaitu Min Aung Hlaing nih cun a chim, tiah RFA nih a ṭial.crd- The Chin Post. Mah a link hi dawtu123/videos hmeh piak law video na zoh khawh lai.
Leave a Reply