Yakhaing ram ah umhmun khuar in a colcang mi RSO hriamtlai pawl nih ralhrangbu kan doh lai a ti mi hi ralhrangbu si loin Kawlram le a chungah a ummi mipi hna kan doh lai a ti nak a si tiah ralhrangbu nih an thanh.
Kan hnu June 14 ah Rohingya Solidarity Organization- RSO hruaitu pakhat Tongmangno Kyaw Myint Tun nih rampi uk nak a la tu ralhrangbu kan doh lai tiah muicuangin a thanh mi par ah ralhrangbu thawngthanhnak nih a tubantukin a leh mi hi a si.
Ralhrangbu thawngthanhnak nih RSO nih 2017 ah a chuak mi ARSA min hman lo in RSO an in ti mi hi a ruang a um. ARSA cu ramdang vialte nih ralhrangbu an si tiah theih mi an si caah nitlaklei ram pawl he pehtlaihnak a ngei mi RSO min an hman mi a si tiah a ti.
A tubantuk social media ah RSO video file a rak chuak mi nih dai tein a um lio mi muslim pawl buaibainak tuah le ramchung buaibainak chuah dingah an timh mi a si tiah ralhrangbu thawngthanhnak nih a chim. Crd-the chin post
Thawngpang dang rel chap: Nizaan ah tlaih a tong mi ,Kan Fa, kan farnute Grace hi a pa nih a thih tak cang. A nu (tar hmei) cawm dingin Yangon ah rianṭuan in a ratnak thla 4 hrawng lawng a si rih. Yangon ah unau chungkhat a ngei hna lo. A umnak Eh-cazin an cheknak ah a phone an chek i, an tlaih.
Ye-sa-khan in chanhchuah ding timhtuah a si ko nain a chanh kho lo caah Sih-caw-zi a phan. Lungre a thei, himdam tein a chuah zau khawh naklai thlacampiak cio hna u sih.Kan si khawh chung in bawmhchanh kan i zuam lai. Thlacam cahnak a si, kawl ca in let lo ding a si fawn lai.credit-thawng tha thang.
Leave a Reply