Russia Le Ukraine Kongah Pope Francis A Cawl Ve Cang

Pope Francis cu Italy khualipi Rome i Russia Embassy ah a kal i Ukraine kong ah a lungretheihnak kong a va langhter. Pope Francis hi amah pumpak in mi va ton ah a kal bal lo. Voidang ahcun ramdang Ambassador le ram hruaitu hna nih amah umnak ah an rak ton tawn nain tutan cu a inn chung in chuak zau in amah pumpak bak Russia Embassy i a va kal hi Ukraine kong ah.

A lungretheihnak kha a va langhter a si, tiah Pope Francis kong ah biachimnak nawlngeitu Matteo Burni nih a chim.  Pope Francis cu Russia Embassy chung ah suimilam cheu chung hrawng a um, tiah a chim chih. Pope Francis nihcun Ukraine kong ah ceihhmainak in daihter ding ah a forhfial hna i hmaizarh cawn nithumni khi Ukraine ram caah thla a cam lai, tiah theih a si. Nain Pope Francis nihcun Russia nih Ukraine a tukmi kong ah faktuk in sual phawtnak le mawhpuhnaktu cu a chim lo. crd-the chin post.

Thawng dang relchap; Mandalay khuapi, Aung May Thar San peng, Kyung nichuak lei 66 lam 22 le 23 lam karlak i Myanmar Sateih zung hmai ah February 25 zanlei sml 1 :00 hrawng ah SAC ralhrang mawṭaw 1 bomb puahhnawh a tong. Bomb puahnak ah hin mawṭaw thlalang pawl a kuai ko nain minung hliam tu cu an hmu lo, tiah thei a si.

Naan nichuak lei veng um mi  pakhat nih “Naan nichuak lei in bomb thawng kan theih i a puaknak hmun cu Amyotha Cinema hall he zong a nai i No-19 lam lei zong ah SAC ralhrang pawl an um,” tiah an chim. Cupinah bomb puahnak hmun pawng lam lai hrawng ah a puak rih lo mi bomb pakhat an hmuh, tiah theih a si.

February 23 zanlei sml 5:00pm hrawng zong ah Mandalay khuapi Chan Mya Thar Say peng Manawharay lam 110 le 47 lam pawng ah ralhrang mawṭaw 2 bomb puah an tong. SAC Ralhrang mawṭaw pawl cu Mahnawhary lam ning in nitlaklei le nichuaklei lam ah an rak ra i Mahnawharay lam 100 ( 45 le 46) lam karlak i khua-uk bawi zung ah an kal, tiah theih a si. “Bomb thawng cu thangpi in kan theih nain aa hliam mi an um le um lo cu kan thei lo.

SAC ralhrang pawl nih meithal voi 3/4 hrawng an puah,” tiah khua mi upa pakhat nih a chim. Cupinah February 23 zanlei sml 8:00 hrawng ah Sippan lam 66 le 67 lam kar i KBZ Bank ATM seh ah bomb a puak. Bank account pawl cu ralhrang nih a ruang um lo in an block caah Mandalay People Rescue (MPR) le Mother Son Mandalay Force he i fonh in an puah mi a si, tiah thawng an thanh.crd-the chin post.

Leave a Reply

Your email address will not be published. Required fields are marked *