SAC Mawṭaw Bomrap An Puah Hnawh I 2 An Thi, Bomrap Puah A Tong Mi Mawṭaw An Khangh + Video

Pakokku ah SAC ralkap mawṭaw bomrap an puah hnawh i 2 an thi, bomrap puah a tong mi mawṭaw an khangh, Magway ramṭhen, Pakokku peng a tan mi SAC ralkap mawṭaw bomrap an puah hnawh i 2 an thi, 4 nak tlawm lo an i hliam tiah Pakokku PDF sin in thawng theih a si. Pakokku peng, Kamma-Myitchay lamcung Kyaithtoo sakhaan pawng ah SAC ralkap le Pyusawhtee pawl nih an rak i cit mi cycle 6 le mawṭaw 1 cu a luancia December 5 zinglei ah PDF nih bomrap an puah hnawh hi a si.

Bomrap puah ruang ah SAC ralkap pawl an rak i cit mi mawṭaw a rawk i SAC ralkap le pyusawhtee pawl cu an zaam. SAC ralkap le pyusawhtee nih an zaamtak mi mawṭaw cu PDF nih an khangh. Kahdohnak hi PPDF, MCKCDF phufonh hna nih an tuah mi a si tiah theih a si.crd- The Chinland Post, video cu a tang cem ah kan in chiah piak hna. Thawng dang relchap-Magway ram then Pauk peng Tharaphi khua mi Ma Tin Nuh cu.

SAC ral hrang pawl nih an tlaih hrem hnu ah an thah tiah tualchung mi pakhat nih Yangin Khit Thit Media ah a chim. December Ni(8) zinglei nazi (10)hrawng ah khan Tharaphi khua cu SAC ralhrang pawl nih an luh hnawh hna ii khua cu mei in an khangh. Khua an khangh lio ah hin tharaphi khua mi Ma Tin Nuh cu khua chung ah an hmuh ii SAC ralhrang pawl nih an tlaih hrem hnu ah an thah tiah theih asi.

Pauh peng Tharaphi khua mi Mah Tin Nuh cu SAC ral hrang pawl an tleih. Mah Tin Nuh hi kum (50) a si. SAC ral hrang pawl nih an tleih hrem ii an thah mi Mah Tin Nuh ruak cu ahnu ah kan hmuh than tiah”Pauk peng thawng zamh nih cun an lang ter. December Ni (7) zinglei sang ah SAC ral hrang pawl cu Kyar Theik khua le LayLan khua ah an lut ii khua cu mei an khangh tiah theih asi. Mah tiin mei in an khangh lio ah hin Kyar Thaik khua mi minung (2) zong mei thal in na kah thah hna tiah theih asi.

Mah Mipi minung (2) hna an thah mi hna cu PDF nan si tiah puh in an thah mi hna asi tiah theih asi. A thi mi mipi mi minung (2) hna ii ruak pawng ah Pyosawthi pawl ii mei thal cu an chiah riang mang in hman an thlak hna ii SAC uk nak aduh mi media pawl nih PDF minung (2) hna ii ruak tiah lih le lih in thawng thah nak anntuah tiah theih asi. SAC ral hrang pawl nih na thah mi hna mipi minung (2) hna hi kum (32) asi mi Ko Myi Htu le Kum (50) asi mi Ko Soe hna an si tiah theih asi.

Hi ban tuk in thah atawng mi minung (2) hi PDF si lo in mipi sawh sawh an si ii an pawng i mei thal an lang ter mi zong pyosawhti mei thal asi tiah tual chung mi nih cun an chim. Maguai ram then Pauk peng chung ah hin ral hrang ralkap tha zang (100) hrawng hna cu lut in kah doh nak zong zei hmanh um li in mipi Inn pawl hna cu an khangh ii mipi minung (2) zong na thah hna hi asi tiah theih asi.

Atu ah hin SAC ral hrawng pawl cu Pauk peng ah ral lam an sial caah khua (15) ii mipi minung minung (5000) hrawng hna cu Inn le lo chuak tak in an zam hna ii Ei awk ti ra,siar pa lin hna le Angki lum pawl zong bawmh an harh hna tiah theih asi. mah a link hi ST/videos/1 hmeh law a video na oh khahw lai.

Leave a Reply

Your email address will not be published. Required fields are marked *