SAC Nih 2023 Kum Thimnak Tuah Ding A Sawm Mi Hna Chung Ah Chin Ramkulh Chung In

SAC nih 2023 kum thimnak tuah ding a sawm mi hna chung ah Chin Ramkulh chung in peng khat lawng mee cazin zohfelnak an tuah kho rih. SAC ralhrang tawlrelnak in Rampi thimnak zung lei tuah a timhmi 2023 kum thimnak tuah ding a sawmmi hna chung in Chin Ramkulh Peng kua chung in langhter lomi Peng pakhat chung lawng ah mee cazin zohfelnak an tuah khawh i Myanmar ram chung ah thimnak tuah a duh lomi.

Ramkulh ah kan i tel tiah chim khawh a si. Atu kan vun langhter mi hi 2022 August 17 Naypyitaw i SAC ralhrang nih thawngfianternak an tuahnak hmun ah an chim mi le an langhter mi a si. SAC ralhrang nih thimnak tuah ding in mee cazin zohfelnak tuahmi a langhter ning ah, “Chin Ramkulh, Kachin Ramkulh ah peng 1 veve lawng tuah khawh a si. Cun, Kayah ah peng 2, Karen ah peng 1 le

Sagaing Ramthen ah peng 7, Magwe ah peng 6 an si. Cun, Shan Ramkulh ahhin Peng 3 an si,” tiah Rampi Thimnak zung riantuan U Khin Maung Oo nih a chim. Cun, 2020 kum thimnak ah dik lo le fel loin teinak a hmu tiah Myanmar ram MP minung 239 hna cu taza a cuai hna i case a serpiak hna tiah SAC ralhrang Media a si mi MWD nih a langhter.crd-CCN.

Thawng dang: Myanmar ramchung mizapi nih kan hmancem mi Facebook cu kan phih lai i Social Media Platform pakhat a aiawh ah kan ser lai, tiah SAC chimphuannak nawlngeitu General Zaw Min Htun nih nihin thawngfianhnak ah a chim. SAC nih thawng an thanhnak MRTV, MWD hna le ralkap nih mizapi lungtuaitamnak ah an hman mi page le account hna cu facebook nih a rak phih dih hna caah atu bantuk in.

SAC nih social media platform thar ser ding in timhlamhnak an ngei, tiah ruah a si. Social Media Platform thar ser nakding ah thiamsang pawl le SAC ministry pathum i fonh in kan ser lai, tiah General Zaw Min Thun nih cun a chim chap. SAC nih Social Media Network thar ser an timhmi cu sullam um lo tuk mi a si, ser kho hmanh hna seh law mizapi nih an hmang duh lai lo. Facebook an phih khawh le phih khawh lo cu phundang,

Platform dang a tamtuk. Ralkap sermi Platform hman kan herh lo, tiah min langhter a duh lo mi pakhat nih cun a chim. Social Media kong ah SAC nih Facebook cu kan phih ko nain kan hlawh a tling lo. SAC ralkap video le an thawngpang cheukhat cu facebook nih a rak hnawhpiak caah General Zaw Min Thun nih cun Facebook a mawhchiatnak a rak chim bal.

SAC nih cun uknak an lak hnu in Cyber Security Upadi ser in Phone ah VPN(Virtual Private Network) aa chiah mi pah cu kum 3 thong thlak ding in nawl an rak chuah. Tukum January thla thawk in VPN Application cu chek hram an thawk fawn. Myanmar rampi dirhmun in Facebook hmangtu milu hi 19.25 Million an si, tiah Data Reportal Website nih February (15) ah a tarlangh. Crd- the chin post

Leave a Reply

Your email address will not be published.