Kalaymyo, Tat Oo Thida sang ah June 25 zaanlei ah hringtu a pa he an tlaihmi Salai Van Tha Cung @ Ko Zaw Htet (kum 25) cu COVID-19 in a nunnak a liam, tiah nihin ah chungkhar thawng an thanh hna.
Chungkhar nih Salai Van Tha Cung ruak cu Khrihfa phung tein vui ding in an hal hna nain SAC ralhrang nih a ruak zohnak nawl zong an pe hna lo. A ruak an khanghnak vutcaam thaizing ah rak hlam te u tiah SAC ralhrang nih chungkhar an chimh hna. Crd-The Chin Journal
Ca dang rel chap: A Herhlo Tiah Na Ruat Sual Maw ? Na pawngkam zoh in na sining na tah chung, nangmah le nangmah zeitik hmanh ah na lung tling kho Lai lo. Na pawngkam zoh in nun na cawn chung , na duhning tluk in nangmah le nangmah na lung na tlinh kho lai lo. Na pawngkam nih zeitluk in dah hmai an fon i,hlawhtlin nak an hmuh mi he i tahchunh in kar na hlan chung cu ,nangmah le nangmah na thazaang dernak lawng na hmuh khawh lai.
Na pawngkam sining lawng zoh in, an thancho nak, an hlawhtlin nak na hmuh ah khin na thachia tuk tawn maw ? Na lung an tling tuk tawn dah ? Zei ruang dah ka tuah mi thil ah hlawhtlinnak le thanchonak ka hmuh khawh lo tiah na thachia tuk tawn maw? Na thachiat nak a ruang tah na thei kho maw ? Nangmah na thanchonak ding le hlawhtling mi na sinak ding ah nangmah caah nangmah kha na biapi bik.
Thangcho mi na sinak ding ah ni zaan nangmah le nihin nangmah kha i zoh, Nihin nangmah le thaizing nangmah kha na nun i tah. Zeitluk hmanh in muidawh si law na sining ah lungtlinnak na ngeih lo le, thlalang na bih caan ah ka hnar zawn, ka mit zawn, ka ha zawn ,ka hmur zawn tiah nangmah le nangmah soisel in na um chung cu na dawh nak zong man ngei lo le santlai lo asi. Na sining ah lungtlinnak in na cohlan khawh ding kha biapi tuk.
Nangmah le nangmah kha thazaang pek khawh i zuam peng, na tuahkhawh mi na sining cungah nangmah le nangmah kha lawmhnak bia i chimh kha philh hlah. A caan cun midang nun kan zohthla hna ruang le midang nun lawng kan lawmh tawnnak nih kanmah le kanmah lawmh a kan philhter tawn. Nangmah Caah Nangmah Kha A Mak Bik Na Si. Na Tuah Khawhmi Thil Cung Ah Nangmah Le Nangmah Lawmhnak Bia Chim I Philh Hlah! Crd- The Chin Post
Leave a Reply