SAC Ralkap Bawmhding In A Ra Mi Vanlawng KIA Nih Tlalak In An Kah

SAC Sakhan An Lak Ruangah Bawmhding A Ra Mi Vanlawng KIA Nih Tlalak In An Kah. Chaklei Shan ram, Kokkaing, Namhpahtkaa sakhan lak ruangah bawmhding a ra mi SAC vanlawng pakhat cu KIA nih January 16, chun sml. 12:00 ah Shan ramkulh, Namhphatkaa pawng ah tla lak in kan kah, tiah KIA biachimnak nawlngei Colonel Naw Bo nih a chim. January 15ah Batattlion 123 cu KIA nih an lak hna hnu ah Fighter Jet nih kah bawmh ding a rat hi a si i January 16 ah cu vanlawng cu.

SAC ralkap bu (Kha La Ya-123) sakhaan pawng ah a tla ti in kan theih,” tiah Colonel Naw Bo nih BBC ah a chim. January 3 lio zong ah Winemaw peng ah Mi 17 helicopter tla lak in kahnak ah SAC ralkap 8 an rak thi. A luancia December 29, 2023 thawk khan Kutkai khua he a naihnak Namhphatkaa pawng ah KIA le SAC ralkap (Kha La Ya-123) an rak i kap , nihin ni tiang kahdohnak a dai rih lo.

KIA nih Namhphatkaa hrawng ah Fighter vanlawng tla lak in an kah mi kong he pehtlai in SAC lei nih thawngpang an chuah rih lo. Photo- SAC ralkap nih an ngeih mi Jet finghter a hman tawnmi hmanthlak hlun a si. crd- The Chinlandpost. Rel chap: Taingen SAC Sakhan Pathum Cu Chin Ralkap Nih An Lak Cang. Chinram, Tedim peng Taingen khua i SAC ralkap sakhan pathum cu January 16, zinglei ah Chin ralkap ṭangrual hna nih an lak cang tiah theih a si.

SAC Jet Fighter nih bomb a thlak pin ah Kalay in miakpi 120 MM in an kah tuk hna caah Chin ralkap nunnak a liam mi zong an um. Hliamtuar zong an um tiah theih a si. Taingen kahdohnak ah CNA, Chin Rifle (CR), CDF CDM Siyin, CDF-KKG, CDF-Thantlang, CDF-Hakha, PDA, CDF-Hualngoram, CDF-Zanniatram le TCDF hna an i tel. Taingen SAC ralkap hi Chin ralkap hna nih 2023 chung ah an rak kah pah cang, asinain pehtlai in an kap kho lo. An i kah chel, an i dinh chel tiin a rak si.

Taingen hi kan lak khawh cang caah Chinram ah a kai ding mi SAC ralhrang hna cu kan kham khawh deuh cang hna lai. Kanmah lei a thi mi an um. SAC lei a thi mi le hriamnam kan lak mi zong an um ko. Tlamtling deuh in kan thanh te ko lai” tiah kahdohnak ah aa tel mi Chin ralkap pakhat nih The Chin Post ah a chim. January 12, 2024 khan kah an thawk ṭhan i ni 4 a rauh hnu ah an lak khawh hi a si. Crd- the chin post.

Leave a Comment

Leave a Reply

Your email address will not be published. Required fields are marked *