SAC Ralkap Hna He Pehtlaihnak An Ngei Tiin Tlaihkhih Le Hmalak An Sinak Kongah CDF-Mara Nih Cathanh An Chuah

SAC ralkap hna he pehtlaihnak an ngei tiin tlaihkhih le hmalak an sinak kongah CDF-mara nih cathanh an chuah. CDF Mara nih cathanh an chuahmi cu a tanglei bantukin a si: 1) CDF Mara nih tlaihkhihnak le hmalaknak tuah tikah mi zeibantuk cung hmanhah thleidannak ngeilo tein palhnak an tuahmi cungah biakhiahnak tuah an si.

2. Sualnak tuahtu tlaihkhih in hmalaknak tuahlio ah CDF-Mara Ralkap pakhat nih palhnak a tuahmi cungah CDF-Mara nih palhnak a tuahtu cungah dantatnak tuah a si cang pinah, kutthlak a tongmi cung zongah nawlnak tuah a si cang. 3) U Neitlau tlaihkhih in hmalak a sinak kong zongah a cunglei ah langhtermi no.1 nak le no.2 nak ning in tuah fel a si cang.

4. U Neitlau cu Lailenpi SAC ralkap kuttang um sianginn ah sianguk ṭuanvo a lak leng ah, SAC ralkap hna he i fonh in pehtlaihnak a ngeih caah, CDF-Mara ṭuanvo ngeitu upa hna nih SAC ralkap lei phone number an hal, asinain ka hnawh dih cang tiah a chimmi ruang ah le dohthlennak zeirel loin a chimrel caah CDF-Mara nih dalan tiah hmuh le cohlan a si.

5. Internet line cung i zamhmi hmanthlak ningah, a el pahnih karlak a um mi a hma hna cu CDF-Mara kut in hliamh mi silo in , phuahcop a si. 6)Sing 30MMK kan lakmi kongah U Neitlau he pehtlaihnak a ngeilo, Lailenpi SAC ralkap kuttang um sianginn rianṭuantu minung 25 caah SAC nih thlahlawh ,

A pekmi sing 60MMK chung in lakmi a si. 7) CDF-Mara nih dohthlennak chung ah hin Military Code of Conduct zulhding ah ṭuanvo a ngeih bantukin, SAC ralkap hmanrua hna cu kan doh ko hna lai.crd-the chin post. Thawng dang deuh- AANih kahdoh nak fak a chauh zumh in Inmergency thawngthanh nak an tuah ,

SAC Ralhrang hna nih Rakine ram hmunhma kip um an sakhan hna ah cun ralkap thazaang leng ah hriamnam hna cu SAC Tilawng le SAC Vanlawng hna leng ah zapi hman mi Motor / Tilawng phunphun hna he tiah Tlanglam Tilam le Van lei hmang in thazaang an chap chinlengmang caah kahdohnak fak a chuakkho tiah nihin september 14 chunhnu in AA nih ralrin pek nak cathanh an chuah.

SAC Ralhrang hna nih hibantuk in an cawlcangh caah an um kal tawnnak lampi cung i a tlungkal mi Tilam lawng le Motor hna cu a herh ning in chekhlat nak kan tuah lai tiah AA nih an chim. Cu ve bantuk in Rakhine le Paletwah Peng chung ah kahdoh nak le entai nak a fah bantuk in kahdohnak fakchinchin in chuahchapdawh a si caah Tilam le Tlang lam hna cu biatak te i rengh in check hlat nak kantuah chan hi a si tiah AA nih an chim.

SAC Ralkap hna nih Khan hnu zarh hrawng in Rakhine – Bangladesh ramri mengtung (40)um sakhan le (352) tatyin sakhan tlangbo hna leng ah Paletwah hmunram hna telh in hmunhma dang thenkhat hna zong Jetfighter / Miakpi le hriamngan dang hna hmang in ral an serh hna lio can a si.

Cu a si caah Tlanglam le tilam kal Tilawng le Motor ngeitu hna nih Rakhine mipi cozah i Ramkhel zung / Ukchukye zung Nemye zung hna ah thawng pekhnu i tlungkal ding in le check nak ngeihmi cu lungthiang te i zul cio ding in theih ter a si. Thawngpe lo in a umkal mi cu harnak tonsual ah an mah a kal mi hna mawh a si lai nak cathanh an chuah.

Leave a Reply

Your email address will not be published.