SAC Sakhan Laaknak Ah Ralṭha Ngai In Aa Telmi Fa 5 Ngei KPDF Nu Cu KIA Nih A Rank An Kaiter

Kachin ramkulh, Hpakant peng, Hwayhkar khua um Khah-lah-yiah (42) SAC ralhrang sakhanpi cu Kachin ralkap KIA/KIO le KPDF ṭangṭi phu hna nih January 6 in kahdoh hram an thok i ni 15 hnu January 20 ah tlamtlingte in an laak khawh, tiah theih a si. Cu sakhan laak kahdohnak ah a hramthawk in a dongh tiang ralṭha ngai in aa tel mi.

KPDF ralkap Pi Choo Su (Kum 47) cu KIA ralkap nih senthum ah a renk an kaiter, tiah Kanchin hmunram chung thawng latu 7stars News nih a langhter. Pi Choo Su cu fa 5 ngeimi a si nain dothlennak ca ah ralṭha ngai in ral a dohtu pakhat a si i pa ralkap hna he kahdohnak ah a dihdongh tiang aa tel khawh caah Kachin ralkap KIA/KIO nih atu bantuk in a renk an kaiter hi a si.

SAC ralhrang nih nawlngeihnak a laak hlan ah Pi Choo Su cu thilṭhit in paw aa cawmmi nu pakhat a si i SAC ralhrang nih nawlngeihnak a laak mi duh lo ruang ah KPDF ralkap ah a luh hi a si, tiah KIA nih nizan January 22 zan ah thawng an thanh. Crd- Lungmili Post.

Thawgdang: CNA, CDF-Matupi, CDF-Paletwa le SAC Ralkap Kahdohnak ah SAC 10 an Thi. CNA, CDF-Matupi le CDF-Paletwa nih Paletwa lei in a rak zaam mi SAC ralkap pawl cu ni hnih chung an kah hna i, SAC ralkap 10 an thi, tiah CDF-Matupi nih thawng an chuah. Paletwa peng in a zaam mi SAC ralkap pawl cu January 20 ah khan CNA, CDF-Paletwa le.

CDF-Matupi nih Paletwa le Sami karlak ah an kah hna i, SAC ralkap pathum a thih pin ah a dang panga hrawng hliamhma an pu, tiah an langhter. January 21 zinglei ah Santat khua ah i kahnak a chuak ṭhan i, SAC ralkap lei in minung pasarih hrawng thi. CNA, CDF-Paletwa le CDF-Matupi lei aa hliam mi le a thi mi kan um lo, tiah CDF-Matupi nih a langhter. SAC ralkap nih Santat khua sizung an hrawh i,

Sii-ai le motorcycle pawl zong mei in an khangh hna. Cun, kiangkap ah ral a zaam mi nu panga le pa pathum cu SAC ralkap nih January 22 ah an tlaih hna. Tlaih a tongmi pawl hi an thlah ṭhan dih hna nain pa pathum tu hi atu tiang khua an phan rih lo, tiah an langhter. CDF-Daai zong CNA, CDF-Paletwa le CDF-Matupi bawmh ding in an rak phan ve i, pehzul in SAC ralkap kan do lai, tiah CDF-Matupi nih thawngthanhnak an tuah.

Leave a Comment

Leave a Reply

Your email address will not be published. Required fields are marked *