KIA Hruaimi Sagaing Operation Ah SAC Ralkap Sakhan Le Palik Sakhan 18 An Laak Khawh, Kachin Independence Army hruainak in Sagaing ramṭhen hmunkip ah PDF hna he i bawm in Sagaing Opearation kahdohnak ah SAC ralkap sakhan 18 an laak khawh, tiah Kachin hrambunh thawnglaaknak nih an thanh. KIA, AA le PDF hna i fonh in Sagaing ramṭhen chung khua cheukhat sakhan hna cu November 3 ah an laak khawh. NUG Union Minister Dr. Toe Khaung nih, ” KIA hruaunak in Sagaing Spring Operation kahdohnak ah.
Kalaymyo peng ah SAC ralkap sakhan 6, palik sakhan 4, Tamu peng ah ralkap le palik sakhan 4, Ayadaw palik sakhan, Kanbalu palik sakhan, Kawlin palik sakhan le Yangyiaung ralkap sakhan cu mipi ralkap pawl nih an laak khawh, tiah November 3 ah a chim. Sagaing Spring Operation kahdohnak ah SAC palik 20 zong mipi sin ah an i fonh, tiah a chim. Thawng dang relchap- Kalaymyo Kiangkap Ah Kahdohnak A Chuah Ruang Ah Chinram A Kai Dingmi Motor Cu An Dinhter Chung Hna.
Sagaing ramṭhen Kalaymyo kiangkap ah nihin November 3, zinglei thawk in tualchung hramtlai phu le SAC ralkap kar kahdohnak a chuah ruang ah Kalaymyo in a chuak dingmi motor pawl cu an dinhter chung hna, tiah theih a si. Khualtlawng motor phu in ṭuanvo ngei pakhat nih cun, “nihin November 3, zinglei in kahdohnak a chuah caah kan i din, thaizing zong kan chuak kho rih lai lo, boruak a ṭhat deuh tikah kan chuak te lai, atu cu kan i din rih ko lai,” tiah a chim.
Naite i Kalay-Tedim lam lei ah kahdohnak a chuah lioah cun Kalay-Webula lampi kan hman i Chin ramkulh Hakha-Falam-Rihkhuadar ah kan kal kho ko nain atu lio boruak ah cun Chinram kainak lam hman ngah lo dirhmun kan phanh cang caah khualtlawn kan ngah lo,” tiah a chim chap. Kalaymyo kiangkap ah tualchung hriamtlai phu le SAC ralkap kar kahdohnak a chuah ruang ah Kalaymyo khuachung um SAC ralkap pawl nih dongcat lo in hriamngan an thlah peng, tiah Kalaymyo tualchung mi nih an chim.
Leave a Reply