Salai Dokhar Hruainak In Miozoram Ah Cazual Phawt A Si + Video

Salai Dokhar cawlcangh nak; Mizoram, Aizawl khua, Bazar pi ah nihin December 4. 2021 zinglei suimilam 9:00AM ah atulio Myanmar ram boruak kong he pehtlaih in Pyituh Hluttaw Candidate Salai Dokhar hruainak in Chin mino cheukhat hna nih “India for Myanmar” timi tlangtar in cazual an phawt.

Nihin nitiang ah Myanmar innpa asimi India cozah nih Kawl ralhrang sinah hriamnam azuarh rih, India cozah cu a hna acheh, mizapi thih le loh kan tonmi zei ah arel lo hlei ah, Myanmar ramchung in tlangcung mi Refugee ah akan cohlang lo bu in UN ah Refugee ka cohlan tiah achim ter.crd-the federal times.note- mah a link hi hefederaltimes.org/videos/6 hmeh piak law a viddeo na zoh khawh lai.

Yaw Peng Thil Phur Mi Mawtaw Chung Ah Rithai Sii An Hmuh, An Tlaih I Mei In An Duah, Mawtaw Khaltu Cu Biakamnak He Min An Tthut Ter I An Thlah, Gangaw-Kalay lam ah thil phur mi mawtaw chung ah rithaisii an tlaih, an tlaih i mei in an duah, mawtaw khaltu le a hnuzul cu biakamnak min kan tthut ter hna i kan thlah hna tiah YDF nihin december (4)ah a thanh.

November (25) Gangaw- Kalay lam Taungla khua le Letpan khua kar thil phur mi mawtaw an chek i sii car le YW rithaisii le cheukhat an hmuh. Cu rithaisii cu minung pa khat hman mi zat lawng a si, zuar ding in phurh mi si lo caah mei in kan duah tiah an chim. Mawtaw khaltu le a zultu pa cu biakamnak min kan tthut ter hna.Tu hnu rithai sii nan phurh kan hmuh than si.

Cun dantat nak fak kan in pek hna lai tiah ralrin kan pek hna i kan thlah than hna tiah an tial chih. Kalay-Gangaw lam ah rithai sii telh in thing fir le Ralhrang thilri phurh lo ding in YDF nih ralrin a pek.TFT

Leave a Reply

Your email address will not be published. Required fields are marked *